საქართველოს პრეზიდენტი სალომე ზურაბიშვილი დღეს მედიას სახელმწიფოს მეთაურის მრჩევლებს გააცნობს. პრეზიდენტის პრესსამსახურის ინფორმაციით, ზურაბიშვილი თავისი გუნდის ამ ნაწილს 17:00 საათზე ათონელის რეზიდენციაში წარადგენს. როგორც ცნობილია, გასულ კვირას გახდა ცნობილი, რომ პრეზიდენტის ადმინისტრაციას ლაშა ჟვანია ხელმძღვანელობს, საპარლამენტო მდივნად კი დიმიტრი გაბუნია დაინიშნა. ზურაბიშვილმა სწორედ დღეისათვის დააანონსა გუნდის სხვა წევრთა ვინაობის გამხელა.