“გამჭვირვალობის კანონი ყველაზე ქართული კანონია, რაც ბოლო პერიოდში მივიღეთ” – განაცხადა, “ქართული ოცნების” პარლამენტის თავმჯდომარემ, შალვა პაპუაშვილმა.
“თანამედროვე სამყაროში სულ უფრო მზარდია ერთი ქვეყნის მხრიდან მეორე ქვეყნის შიდა საქმეებში ჩარევა, ჰიბრიდული მეთოდებით. მათ შორის, ამგვარ მეთოდებში შედის დაფინანსება ერთი ქვეყნის ან პოლიტიკური ჯგუფის მხრიდან მეორე ქვეყანაში, საკუთარი ინტერესების გასატარებლად […]
ამ დღეებში შეგვახსენეს ნამახვანჰესის თემაც, რომელზეც სასამართლო ჯერ კიდევ მიმდინარეობს, თუმცა არის რისკი, რომ საქართველოს ბიუჯეტს გადასახდელად 400 მილიონი დაეკისროს იმ კომპანიის სასარგებლოდ, რომელიც, უცხოეთიდან დაფინანსებულმა აგენტურამ, ფაქტობრივად, აქედან გააგდო […] მაშინ, ამ კამპანიას სრულად კურირებდა 3 არასამთავრობო ორგანიზაცია: მწვანე ალტერნატივა, სოციალური სამართლიანობის ცენტრი და საია. სამივე ბრიუსელიდან და რამდენიმე სხვა წყაროდან დაფინანსებული […]
ნამახვანჰესის ისტორია იმის ყველაზე კარგი დასტურია, რომ გამჭვირვალობის კანონი არის ყველაზე ქართული კანონი, რაც კი შეიძლება პარლამენტმა ბოლო წლების განმავლობაში მიიღო – რადგან, ის ქართულ ინტერესებს ემსახურება. იმ მავნებლობას, რაც ბრიუსელიდან დაფინანსებულმა ხალხმა ჩაიდინა და ყველაზე მნიშვნელოვანი ენერგეტიკული პროექტი ჩაშალა, ასეთი მავნებლობა ვეღარ მოხდება”. – თქვა პაპუაშვილმა ჟურნალისტებთან საუბარში.