რუსეთის საოკუპაციო ძალებმა უკრაინის ქალაქ ხარკოვის სამრეწველო რაიონზე მორიგი სარაკეტო თავდასხმა განახორციელეს. უკრაინული მედიის ინფორმაციით, რომელიც ხარკოვის მერ იგორ ტერეხოვზე დაყრდნობით ვრცელდება, ოკუპანტებმა იერიშისთვის „ბანდეროლის“ ტიპის ფრთოსანი რაკეტები გამოიყენეს.
სამწუხაროდ, თავდასხმას მსხვერპლი მოჰყვა. ბოლო მონაცემებით, დაღუპულია ერთი ადამიანი, ხოლო ექვსმა მოქალაქემ სხვადასხვა სიმძიმის დაზიანება მიიღო.
მერის განცხადებით, მტრის სარაკეტო დარტყმამ ქალაქში სერიოზული ნგრევა და ხანძარი გამოიწვია. ცეცხლი გაუჩნდა ადმინისტრაციულ შენობას და რამდენიმე ავტომობილს. გარდა ამისა, პირველადი დათვალიერებით, დაზიანებულია დაახლოებით ათი საცხოვრებელი კორპუსი, რამაც მშვიდობიან მოსახლეობას საფრთხე შეუქმნა.
შემთხვევის ადგილზე ამ წუთებშიც მობილიზებულია ყველა შესაბამისი სამსახური. მაშველები ინტენსიურ რეჟიმში აგრძელებენ სამძებრო-სამაშველო ოპერაციას და მიმდინარეობს ნანგრევების გაწმენდითი სამუშაოები. დაშავებულებს უტარდებათ სასწრაფო სამედიცინო დახმარება.