უპირველეს ყოვლის, პატივია, რა თქმა უნდა, როდესაც ასეთ შემადგენლობაში დავსახელდები მეც და მინდა შეგახსენოთ, რომ მესამე შემთხვევაა უკვე როდესაც მასახელებენ, ასე რომ, სამჯერ ნომინირებული ვარ ამ მნიშვნელოვან პრემიაზე ევროპარლამენტის მხრიდან. ეს ხუმრობით, მაგრამ სიმართლე გითხრათ, რთული არის, რომ ხუმრობის გარეშე შეაფასო ევროპარლამენტის მოქმედება. ჩვენ ვხედავთ, რომ უბრალოდ ადამიანებს, რომლებსაც აქვთ ზიზღი ქართველების მიმართ და ვთქვი კიდევაც, რომ მაგონებს 1989 წლის საბჭოთა კავშირის სახალხო დეპუტატთა ყრილობას, 9 აპრილის შემდეგ შედგა ეს, პირველი ყრილობა იყო სახალხო დეპუტატთა და მაშინ მახსოვს საქართველოს ლანძღვა სახალხო დეპუტატთა ყროლობის ტრიბუნიდან. ზუსტად იგივე ესთეტიკა იყო, რასაც ევროპარლამენტიდან ვხედავდით. […]
ასეთი ევროპარლამენტით, რა თქმა უნდა, ჩვენ ევროკავშირში არ უნდა გველოდნენ. ჩვენ არ ვაპირებთ, რომ გვერდში დავუჯდეთ იმ ხალხს, რომლებსაც ქართველი ხალხის მიმართ აქვს ზიზღი და ამ ზიზღს ავლენენ ავროპარლამენტის ტრიბუნიდან. […]
ევროპარლამენტზე ჩვენ რაიმე გავლენის მოხდენის იმედი არც გვაქვს, ეს არის უიმედო შემთხვევა. ამიტომ ჩვენ ერთადერთი იმის იმედი გვაქვს, რომ იყოს ახალი არჩევნები და ევროპელმა მოქალაქეებმა ღირსეული წარმომადგენლები თავისი ქვეყნის…
9 რეზოლუცია იქნა მიღებული, მეცხრე რეზოლუცია, რომელსაც უძღვნიან ბიძინა ივანიშვილს. აგერ გითხრათ, რომ სამჯერ მეც დამდეს პატივი, ასე ვთქვათ, და მომიხსენიეს და ნუ რა ვიცი, შედეგი რა არის?! შედეგი არც არაფერი არ არის.
განაცხადა ივანიშვილის წარმომადგენელმა, შალვა პაპუაშვილმა.