უკრაინამ მოსკოვის ოლქზე დრონებით იერიში მიიტანა.
დარტყმების შედეგად ორი ადამიანი დაიღუპა და ცხრა დაშავდა. ამის შესახებ მოსკოვის ოლქის გუბერნატორმა ანდრეი ვორობიოვმა განაცხადა და ასევე დაამატა რომ შვიდ მუნიციპალიტეტში 47 კერძო სახლი დაზიანდა.
უკრაინული ტელეგრამ არხები და რუსული დამოუკიდებელი მედიაპროექტი Astra, თვითმხილველების ვიდეოებზე დაყრდნობით, აცხადებენ, რომ მოსკოვის ოლქში ხანძარი “ვოლოდარსკაიას” ხაზობრივ საწარმოო-სადისპეტჩერო სადგურის ტერიტორიაზე გაჩნდა.
“ვოლოდარსკაია” შედის “ტრანსნეფტეპროდუქტის” შემადგენლობაში და ღია წყაროებში მოსკოვის რეგიონის ერთ-ერთ უდიდეს ნავთობტერმინალად და მოსკოვისა და მოსკოვის ოლქისთვის ნავთობპროდუქტების მიწოდების მნიშვნელოვან კვანძად არის მოხსენიებული.