შეცდომა №1. შამპუნის დიდი რაოდენობით წასმა
ყოველდღიურად არ არის საჭირო შამპუნის რამდენჯერმე წასმა. დიდი რაოდენობის შამპუნი აზიანებს როგორც თმას, ასევე კანს.
შეცდომა №2. თავის აგრესიულად დაბანა
თმაში შამპუნის აგრესიულად წასმა არ ღირს. ეს თმის ცვენასა და კანის გაღიზიანებას გამოიწვევს.
უმჯობესია თითების მსუბუქი მოძრაობით გაიკეთოთ მასაჟი, რომელიც სისხლის მიმოქცევასაც გააუმჯობესებს.
შეცდომა № 3 თმის პირსახოცით შეშრობა
სველ თმაზე პირსახოცის შეხება, მითუმეტეს უხეშად, თმის სტრუქტურას აზიანებს. უმჯობესია, დაბანის შემდეგ თმა პირსახოცით რამდენიმე წუთით შეიკრათ, რათა სისველე პირსახოცმა შეიწოვოს. თუმცა არ არის სასურველი დიდი ხნით გაჩერება.
შეცდომა № 4 თმის ფენით გაშრობა ხშირად
სასურველია, რომ სველი თმა ფენით არ გაიშროთ. სისტემატიურად ფენით გაშრობის შედეგად, თმა მტვრევადი და მშრალი ხდება. ფენი განსაკუთრებით მავნებელია სველ თმაზე, დაელოდეთ თმის ოდნავ შეშრობას და ფენი შემდეგ გამოიყენეთ.
შეცდომა № 5 თავის ცხელი წყლით დაბანა
მეტისმეტად ცხელი წყალი თმის ძირებსა და თავის კანს აშრობს. სასურველია, თავი თბილი ან ნელთბილი წყლით დაიბანოთ და ბოლოს კი თავზე ცივი წყალი გადაივლოთ.