გიორგი თარგამაძის გადაცემაში ლეიბორისტების ლიდერმა, შალვა ნათელაშვილმა განაცხადა, რომ ბიძინა ივანიშვილმა პოლიტიკაში მოსვლამდე პლასტიკური ოპერაცია ჩაიტარა. ის ამბობს, რომ ივანიშვილი პოლიტიკაში მოსვლისთვის დიდხანს ემზადებოდა:
“წინა ხელისუფლება ფაქტიურად ფიქრობდა, რომ ივანიშვილი მარტო დააფინანსებდა მათ და არაფერს არ მოთხოვდა, ამასობაში მას მიეცა საშუალება მოესყიდა მთელი სპექტრი, სახელოვნებო ელიტა, სპორტული ელიტა, საპატრიარქო, გაევრცელებინა ხმები, რომ ეს არის ქველმოქმედი. ლეგენდარული ფიგურა, რომელიც არაფერს არ ითხოვს, ზის ჭორვილაში, ეფერება პინგვინს და ყველა გაჭირვებულის დამხმარეა. ბიუჯეტს არ ეხება, არავის არ აწუხებს, არავის არაფერს არ ართმევს. არადა მთელი ფული, რაც მაგან იშოვა საქართველოში იშოვა, თორემ მაგის შავი ფული რაც რუსეთიდან გამოატანეს ინტერპოლის მიერ იქნებოდა დაყადაღებული აქ რომ არ გაეტარებინა ამ ბანკების მეშვეობით. გაატარა და გადარიცხა ოფშორებში. ეს ჩვეულებრივი სქემაა. და შემდგომში, როდესაც გაძლიერდა უკვე და იმ ხელისუფლებას ვადაც ამოეწურა, კრა ხელი, მოადენინა ზღართანი და მოაჯდა ქვეყანას თავზე. მიშას ორი ვადა ამოეწურა, მერე უნდოდა გადასვლა პრემიერმინისტრად, შეცვალა კონსტიტუცია და ბოლოს პრემიერ მინისტრი გახდა ის, ვისზეც ფიქრობდა რომ არასოდეს პოლიტიკაში არ მოვიდოდა.
ხო იცით სანამ პოლიტიკაში შემოვიდოდა პირველი რა გააკეთა ივანიშვილმა? ექსკლუზიურად გეტყვით,კინაღამ მოკლა ამის გამო სააკაშვილმა მერაბიშვილი – პლასტიკური ოპერაცია ჩაიტარა.
ჯერ ხო ეხლაც არ კრიფავს სიმპატიით ვარსკვლავებს, და საერთოდ არ შეიძლებოდა მაგის შეხედვა. კვაზიმოდო რო იყო, ჰიუგოს ნაწარმოებში იმას გავდა.
შეემზადა, ჯერ პლასტიკური ოპერაცია ჩაიტარა, მაგრამ სულის პლასტიკას ხომ ვერ გაიკეთებ? ეს შეიძლება სახე შეიცვალო, სილამაზეც დროებითია, მოდის და მიდის.მაგრამ სულია მუდმივი და ზნეობა, რომელიც ადამიანს უნდა ქონდეს შიგნით, მათ შორის პოლიტიკოსს და არ ქნა ისეთი რამე, რომ მსოფლიო სიცრუის ანთოლოგიაში შეხვიდე.
ზნეობრივი დანაშაულობები და უზნეობები, რაც ჩაიდინა ამ კაცმა, რომ ქვეყანა ჩაეგდო ხელში და მერე ეძარცვა, შეუძლებელია რაიმე პლასტიკური ოპერაციით გაასწორო და მისი პოლიტიკური პლასტიკური ოპერაცია იქნება 31 ოქტომბერს“– ამბობს ნათელაშვილი.