“კოალიცია ცვლილებისთვის” წევრმა გელა ხასაიამ ერთწლიანი პატიმრობის შემდეგ პენიტენციური დაწესებულება დატოვა.
“რასაც ვაკეთებდი იმას გავაგრძელებ დღეიდან. არაფრის შეცვლას, არაფრის კორექტირებას არ ვაპირებ. მიუხედავად იმისა, რომ პირობითი მსჯავრი მაქვს და ნებისმიერ რამეზე შეუძლიათ ისევ შემაბრუნონ…
ჩემს თავში იმდენად მნიშვნელოვანი რამ არის, ის, რასაც ვაკეთებ, ამის გამო არ ვაპირებ ან ქვეყნიდან წავიდე ან სახლში დავიმალო ან სხვა საქმე მოვძებნო”, – თქვა ხასაიამ.
გელა ხასაია 2025 წლის 29 სექტემბერს დააკავეს. პროკურატურა მას და მასთან ერთად დაკავებულ ვასილ ქერდიყოშვილს ჯგუფურად ჯანმრთელობის განზრახ დაზიანებას ედავებოდა დაზარალებულ – რამაზ ჩადუნელზე. 2026 წლის 8 მაისს გელა ხასაიას საპროცესო შეთანხმება გაუფორმდა. საპროცესო შეთანხმების პირობების თანახმად, მას ძირითად სასჯელად განესაზღვრა 4 წელი, საიდანაც ციხეში 1 წელი გაატარა, 3 წელი კი პირობითი მსჯავრის ქვეშ იქნება.