ზახულის თვეებში კიტრი ერთ–ერთი ყველაზე პოპულარული ბოსტნეულია იმის გამო, რომ ბევრ წყალს შეიცავს და გამაგრილებელი ეფექტი აქვს, გარდა ამისა, საკვები ნითვიერებების შესანიშნავი წყაროა.
რატომ უნდა ვჭამოთ კიტრი ყოველდღე:
კიტრის კალორიულობა 100 გრამ პროდუქტზე 15 კილოკალორიაა. ის მდიდარია უჯრედისით, ანაყრებს და გამაგრილებელი თვისებაც აქვს. კიტრი 95%–ით წყლისგან შედგება, და ძლიერი დამატენიანებელი უნარი აქვს.
სხვა ბოსტნეულისგან ის ნახშირწყლების დაბალი დონით და წყლის მაღალი შემცველობით გამოირჩევა, გარდა ამისა, კიტრი შეიცავს უჯრედისს, ვიტამინ C–ს, პროვიტამინ A-ს და ვიტამინ E-ს. ასევე Bв ჯგუის ვიტამინებს მცირე რაოდენობით, როგორიც არის ფოლიუმის მჟავა, В1, В2 და В3. კიტრის კანი მცირე რაოდენობით შეიცავს ბეტა–კაროტინს.
E ვიტამინი მნიშვნელოვან როლს თამაშობს სისხლის უჯრედების ჯანმრთელობის შენარჩუნებასა და ფერტილობის გაზრდაში, არის ძლიერი ანტიოქსიდანტი. ვიტამინი C ასევე გამოირჩევა ანტიოქსიდანტური მოქმედებით და მონაწილეობს კოლაგენის გამომუშავებაში, ერიტროციტების ფორმირებაში, ძვლების და კბილების გამაგრებაში. ხელს უწყობს რკინის ათვისებას და ზრდის ინფექციებისადმი მდგრადობას.
კიტრი შეიცავს ბევრ კალიუმს და შედარებით ნაკლებ ფოსფორს და მაგნიუმს. კალიუმი მნიშვნელოვან როლს თამაშობს უჯრედშიდა და უჯრედსგარე წყლის ბალანსში, არის მნიშვნელოვანი მინერალი ნერვული იმპულსების გადაცემაში, ნერვული იმპულსების წარმოებასა და ნორმალურ კუნთოვან აქტივობაში.
ფოსფორი მონაწილეობს ძვლის და კბილების ფორმირებაში. კიტრის შემადგენლობაში შედის ბეტა–სიტოსტეროლი მცირე რაოდენობით. ეს არის ანთებისსაწინააღმდეგო ნივთიერება, რომელიც იმუნურ სისტემას აძლიერებს.
კიტრი ასევე ფართოდ გამოიყენება კანის რეგენერაციისთვის. მისი გამოყენება შეიძლება სალათებში და სმუზებში, ასევე სახის ნიღბების მოსამზადებლად.
მთლიანობაში კიტრს შემდეგი სასარგებლო თვისებები ახასიათებს:
გვეხმარება გახდომაში:
ის დაბალკალორიული პროდუქტია, თუმცა მდიდარია წყლით და უჯრედისით, გვეხმარება დანაყრების გრძნობა დიდხანს შევინარჩუნოთ და საკვების მიღებას შორის “სუსნაობა“ მინიმუმამდე შევამციროთ. გარდა ამისა, კიტრი მადას ამცირებს, ამიტომაც მისი ჩართვა რეკომენდირებულია გასახდომ დიეტებში.
ეწინააღმდეგება ორგანიზმის გაუწყლოვნებას
როგორც უკვე აღვნიშნეთ, კიტრი 95%–ით წყლსისგან შედგება და შეიცავს ელექტროლიტების დიდ რაოდენობას, რაც ამ ნივთიერებების დანაკარგს აკომპენსირებს, განსაკუთრებით სიცხეში და ფიზიკური დატვირთვის დროს. ამიტომაც კიტრი შეიძლება მივიღოთ როგორც ცალკე, ასევე გამაგრილებელი სასმელის შემადგენლობაში წყალთან და პიტნასთან ერთად ორგანიზმის ჰიდრაციის მხარდასაჭერად.
შეიცავს კიბოს საწინააღმდეგო ნივთიერებებს
კიტრი შეიცავს დიდი რაოდენობით ანტიოქსიდანტებს და მკვებავ ნივთიერებებს კიბოსსაწინააღმდეგო თვისებებით, როგორიც არის კუკურბიტაცინები, რომლებიც კიბოს უჯრედების ზრდას ხელს უშლის და მნიშვნელოვანი პროილექტიკური საშუალებაა ასეთი დაავადებების წინააღმდეგ.
ეხმარება გულ–სისხლძარღვთა სისტემის ჯანმრთელობას
უჯრედისი და ანტიოქსიდანტები კიტრის შემადგენლობაში ხელს უწყობენ ცხიმოვანი ნადებების დაგდროვებას ორგანიზმში და პირველ რიგში, ტრიგლიცერიდების და “ცუდი ქოლესტერინის“ დაგროვებას სისხლში. ამის წყალობით, კიტრი ხელს უწყობს გულ–სისხლძარღვთა სისტემის მდგომარეობის გაუმჯობესებას. კიტრის ყოველდღიურმა გამოყენებამ შეიძლება ისეთი დაავადებებისგან დაგვიცვას, როგორიც არის ათეროსკლეროზი და გულის შეტევა.
გვეხმარება არტერიული წნევის დარეგულირებაში
კიტრი ამცირებს არტერიულ წნევას, რადგან ხელს უწყობს ორგანიზმიდან ზედმეტი ნატრიუმის გამოდევნას შარდთან ერთად და არტერიების მოდუნებას. კიტრის შემადგენლობაში არსებული წყალი, მაგნიუმი და კალიუმი ასევე ეხმარება არტერიული წნევის დაწევას.
გვეხმარება შაქრიანი დიაბეტის კონტროლში
როგორც უკვე ვთქვით, კიტრი უჯრედისის კარგი წყაროა და დაბალი გლიკემიური ინდექსი აქვს, რის ხარჯზეც თანდათანობით ზრდის სისხლში შაქრის დონეს. ამასთან ერთად, კიტრი ინსულინის გამომუშავების სტიმულირებას ახდენს და რეკომენდირებულია პაციენტებისთვის შაქრიანი დიაბეტით. გარდა ამისა, პროდუქტი როგორც უკვე ვთქვით, შეიცავს კუკურბიტაცინებს, რომლებიც სისხლში შაქრის დონეს არეგულირებენ, რითაც შაქრიანი დიაბეტის აღკვეთასა და კონტროლში გვეხმარებიან.
აუმჯობესებს კანის მდგომარეობას
კიტრის უშუალოდ კანზე დატანას გამაგრილებელი ეექტი აქვს, კანს აცოცხლებს და დამამშვიდებელ ფუნქციას ასრულებს, ხსნის შეშუპებებს და გაღიზიანებას, ამსუბუქებს მზით დამწვრობის შედეგებს.
აქვს დეტოქსის მოქმედება
კალიუმი, წყალი და ანტიოქსიდანტები კიტრის შემადგენლობაში ორგანიზმის დეტოქსიკაციას ეხმარება და სითხის შეკავებას ეწინააღმდეგება. კიტრის გამოყენებისას ზედმეტი ნატრიუმი და ტოქსინები ორგანიზმიდან შარდთან ერთად გამოდის.
აუმჯობესებს საჭმლის მონელებას
კიტრი მოქმედებს როგორც ანთებისსაწინააღმდეგო საშუალება კუჭისთვის, ხელს უწყობს მჟავიანობის შემცირებას და ხელს უშლის გაზების ფორმირებას საჭმლის მომნელებელ ტრაქტში, აუმჯობესებს საჭმლის მონელებას.
რეკომენდირებულია კიტრის ჭამა ქერქთან ერთად, ვინაიდან სწორედ ქერქი შეიცავს ყველაზე მეტ უჯრედისს.