მოსკოვში უკრაინული დრონების თავდასხმის ასარიდებლად მობილური ინტერნეტი გათიშეს. როგორც ქვეყნის ციფრული განვითარების, კომუნიკაციებისა და მასმედიის სამინისტრო აცხადებს, ეს დროებითი ღონისძიებაა და სახლის ინტერნეტი და Wi-Fi მუშაობს.
რუსული პროპაგანდისტული მედია, სამინისტროზე დაყრდნობით იუწყება, რომ მოსკოვში და რუსეთის რეგიონებში ინტერნეტის შეზღუდულია უკრაინული დრონების თავდასხმის თავიდან ასაცილებლად, რადგან მობილური ინტერნეტის გათიშვა დრონების დამიზნების სიზუსტეს ამცირებს.
მოსკოვის ცენტრში მიუწვდომელია ის ინტერნეტ რესურსებიც კი, რომლებიც ხელმისაწვდომი უნდა იყოს შეფერხებების დროს. შეუძლებელია მობილური ქსელებით ტექსტური შეტყობინებების გაგზავნაც.
შეზღუდვა უკავშირდება 9 მაისის აღნიშვნის ღონისძიებას.
