ილია თოფურია საავადმყოფოშია, ის მძიმედ არის დაზიანებული. ექიმი არ ვარ, მაგრამ მის თვალს რომ ვუყურებ, ვფიქრობ, შესაძლოა ორბიტა ჰქონდეს გატეხილი, თუმცა ეს ფაქტი არ არის, მხოლოდ ვვარაუდობ, – ამის შესახებ UFC-ის აღმასრულებელმა დირექტორმა, დანა უაითმა პრესკონფერენციაზე განაცხადა.
„ამ ეტაპზე ჩემი გეგმა მასთან დაკავშირებით მხოლოდ ისაა, რომ სახლში წავიდეს, დაისვენოს, გამოჯანმრთელდეს. დღევანდელი საღამო მისთვის ძალიან მძიმე იყო. ახლა ყველაზე მეტად ის მაინტერესებს, რომ ჯანმრთელად იყოს და კარგად გრძნობდეს თავს. ამ მომენტში მის მომავალ ჩხუბზე საერთოდ არ ვფიქრობ – უბრალოდ მინდა, სახლში წავიდეს, მოდუნდეს და დაისვენოს”, – აღნიშნა დანა უაითმა.
🚨 Dana White says Ilia Topuria is in the hospital right now, and believes he has a broken orbital bone 😳
“He’s busted up. My plans for him are to go home and rest, take his time. Tonight was a rough night for him.” pic.twitter.com/y3ox7hqGfG
— Championship Rounds (@ChampRDS) June 15, 2026
UFC-ის მსუბუქი წონითი დივიზიონის საჩემპიონო ქამრისთვის ბრძოლაში ილია თოფურია ჯასტინ გეიჯთან დამარცხდა. ბრძოლა 4 რაუნდი გაგრძელდა. მე-5 რაუნდში ბრძოლის გაგრძელება ილია თოფურიამ თვალის დაზიანების გამო ვერ შეძლო.