პაკისტანის დედაქალაქ ისლამაბადში, Pakistan Institute of Medical Sciences-ის (PIMS) საავადმყოფოში გაჩენილ ხანძარს მინიმუმ 15 ახალშობილი ემსხვერპლა. ინფორმაციას Reuters ადგილობრივ ტელეკომპანია Geo TV-ზე დაყრდნობით ავრცელებს.
ხანძარი დილით, საავადმყოფოს დედათა და ბავშვთა ჯანმრთელობის განყოფილების მესამე სართულზე გაჩნდა. შემთხვევის დროს იქ 16 ახალშობილი იმყოფებოდა, რომელთაგან მხოლოდ ერთი ბავშვის გადარჩენა მოხერხდა.
ადგილობრივი მედიის ინფორმაციით, ცეცხლის გაჩენის სავარაუდო მიზეზი კონდიცირების სისტემის გაუმართაობა გახდა. ხანძრის შემდეგ შესაბამისმა სამსახურებმა განყოფილება დალუქეს და შემთხვევის გამოძიება დაიწყო.
პაკისტანის პრემიერ-მინისტრმა შაჰბაზ შარიფმა მომხდარის დეტალური შესწავლა და პასუხისმგებელი პირების მიმართ მკაცრი ზომების გატარება მოითხოვა.