კრემლის ვებგვერდმა შანხაის თანამშრომლობის ორგანიზაციის სამიტზე რუსეთისა და ინდოეთის ლიდერების საუბრის სტენოგრამის ნაწილი გამოაქვეყნა.
„ყოველი დღე, როდესაც ომი გრძელდება, კაცობრიობას, ფაქტობრივად, ერთი ნაბიჯით უკან ხევს, ხოლო მშვიდობისკენ გადადგმული ყოველი ნაბიჯი მთელ კაცობრიობას მშვიდობის რეალურ იმედს აძლევს. ჩვენ უნდა გადავიდეთ დაუსრულებელი ომიდან ომის დასრულებაზე, საბრძოლო მოქმედებების შეწყვეტაზე. სწორედ ამ მიმართულებით უნდა ვიმოძრაოთ. ეს ძალიან მნიშვნელოვანია მთელი კაცობრიობისთვის. ყველა პრობლემა მშვიდობიანი გზით უნდა გადავჭრათ — ამას მთელი კაცობრიობა მოითხოვს. და ეს არის ინდოეთის გზავნილიც: ინდოეთი განდის ქვეყანაა, ბუდას ქვეყანაა — სწორედ ასეთია ჩვენი გზავნილი“, — ციტირებს კრემლი ინდოეთის პრემიერ-მინისტრ ნარენდრა მოდის სიტყვებს, რომლებიც მან ბიშკეკში, შანხაის თანამშრომლობის ორგანიზაციის სამიტის ფარგლებში ვლადიმირ პუტინთან შეხვედრაზე თქვა.
სტენოგრამაში პუტინის პასუხი არ არის. მისი რეაქცია სააგენტო TASS-ს მოჰყავს.
„ჩვენ სწორედ ამ გზით მივდივართ“, — განაცხადა პუტინმა და მოდის მადლობა გადაუხადა, იუწყება სააგენტო.