ენმ-ის ერთ-ერთი ლიდერის, ხატია დეკანოიძის განცხადებით, ლაზარე ჯორბენაძის საქმესთან დაკავშირებით გამოკითხვაზე სასამართლოში გამოცხადდება.
„ბიძინა ივანიშვილი არის შემოქმედი იმ სისტემის, რომელშიც ადამიანები სკამის, ფულის გამო ერთმანეთს ადებენ ხელს, ერთმანეთზე აძლევენ ჩვენებებს, ყველაფერს კადრულობენ და რა თქმა უნდა, კორუფციაში არიან ჩაფლულები. ამიტომ, გამოკითხვაზე დაიბარონ ბიძინა ივანიშვილი, კობახიძე, მდინარაძე და ყველა ის ადამიანი, ვინც ფულის გამო ყველანაირ სიბინძურეს კადრულობს. რაც შეეხება ამ გამოკითხვას, გასაგებად ვუთხარი, რომ მივალ სასამართლოში“, — განაცხადა დეკანოიძემ.
პროკურატურამ დღეს გაავრცელა განცხადება, რომლის თანახმადაც, ლაზარე ჯორბენაძის გარდაცვალების საქმეზე უწყება უტყუარად ადასტურებს თვითმკვლელობის ფაქტს, თუმცა მსჯავრდებულ ირაკლი ღარიბაშვილისა და სხვა პირების საჯარო განცხადებების გამო გამოძიება რამდენიმე პოლიტიკოსისა და საზოგადოებრივი ფიგურის გამოკითხვას გეგმავს.