საქართველოს შინაგან საქმეთა სამინისტრომ ბლოგერ თორნიკე რაზმაძის მიმართ ადმინისტრაციული სამართალდარღვევის საქმის წარმოება დაიწყო და კრემლის პროპაგანდისტ მარგარიტა სიმონიანის შეურაცხყოფას ედავება.
საქმის საფუძველია რაზმაძის მიერ სოციალურ ქსელში დატოვებული კომენტარი. საქმის განხილვა თბილისის საქალაქო სასამართლოში 29 სექტემბერსაა ჩანიშნული.შსს-ს განცხადებით, რაზმაძემ დაარღვია ადმინისტრაციულ სამართალდარღვევათა კოდექსის 166-ე მუხლის პირველი ნაწილი, რომელიც საჯარო სივრცეში ლანძღვა-გინებას ეხება. მუხლი ითვალისწინებს ჯარიმას 500-დან 3000 ლარამდე ან პატიმრობას — 20 დღემდე ვადით. საქმეზე მუშაობდა შსს-ს „სქროლვა-სქრინვის“ სააგენტო.
2026 წლის 18 აგვისტოს თორნიკე რაზმაძემ „ფეისბუქზე“ ვიდეო გამოაქვეყნა, რომელშიც აღნიშნავს, რომ პრემიერ-მინისტრ ირაკლი კობახიძის განცხადება მეფე ერეკლე II-ის მიერ გეორგიევსკის ტრაქტატის დადებაზე იმეორებს რუსული სახელმწიფო ტელეარხის მთავარი რედაქტორის, მარგარიტა სიმონიანის ნარატივს.სიმონიანის განცხადებით, ერეკლე II-მ „მუხლებზე დაჩოქილმა“ მოითხოვა საქართველოს რუსეთის შემადგენლობაში მიღება. მისი მტკიცებით, რუსეთმა ქართველები ფიზიკურ განადგურებას გადაარჩინა, თუმცა ქართველებმა ამით „არც ისე კარგად ისარგებლეს“. სიმონიანმა ასევე განაცხადა, რომ გამოჩნდებიან „ახალი ერეკლე მეფეები“, რომლებიც ისევ „მუხლებზე დაჩოქილები“ მოითხოვენ საქართველოს რუსეთის შემადგენლობაში დაბრუნებას.
ამავე პოსტის ქვეშ თორნიკე რაზმაძემ დატოვა კომენტარი: „ამათი დედას შევე*ი “ნა კალენიახ”. სწორედ ამ კომენტარის გამო დაიწყო მის წინააღმდეგ ადმინისტრაციული საქმის წარმოება.