უნგრეთის მთავრობამ 8 სექტემბერს რუსეთის დიპლომატიური მისიის 10 თანამშრომელი დაითხოვა და მათ ქვეყნის დატოვება მოსთხოვა. საგარეო საქმეთა მინისტრმა ანიტა ორბანმა განაცხადა, რომ დაძევებულმა პირებმა ვენის კონვენციით დიპლომატებისთვის დაუშვებელი საქმიანობა განახორციელეს. 
მინისტრმა ხაზგასმით აღნიშნა, რომ გადაწყვეტილება მიღებულია ქვეყნის უსაფრთხოებისა და სუვერენიტეტის დასაცავად, თუმცა ეს არ ნიშნავს რუსეთთან დიპლომატიური ურთიერთობების გაწყვეტას და ბუდაპეშტი განზრახული აქვს საჭირო დიალოგის გაგრძელება. ბლუმბერგის ცნობით, გაძევებულ დიპლომატებს ჯაშუშობაშიც ადანაშაულებენ. 
რუსეთის საგარეო საქმეთა სამინისტრომ განაცხადა, რომ საპასუხო ღონისძიება იქნება მტკივნეული უნგრეთისთვის. 
მაისში, ხელისუფლების ცვლილების შემდეგ, ბუდაპეშტმა უკვე გააძევა ერთი რუსი დიპლომატი — 36 წლის არტურ სუშკოვი, რომელიც რუსეთის საგარეო დაზვერვის სამსახურის (SVR) ოფიცრად იქნა იდენტიფიცირებული. მისი საქმიანობა მოიცავდა ორბანის მთავრობასთან დაახლოებული ანალიტიკური ცენტრების ინფილტრაციას.
იმავე თვეს მინისტრმა ორბანმა რუსეთის ელჩი — ევგენი სტანისლავოვი — უკრაინის დასავლეთ ზაკარპატიის რეგიონზე განხორციელებული დრონის იერიშების გამო გამოიძახა, სადაც ეთნიკური უნგრელების მნიშვნელოვანი თემი ცხოვრობს.