გახარიას პარტია საკონსტიტუციო სასამართლოში ბიძინა ივანიშვილის, კახა კალაძის და ირაკლი კობახიძის მოწმედ გამოძახებას და დაკითხვას ითხოვს.
„ქართული ოცნების“ მოქმედი და ყოფილი თანამდებობის პირების მოწის სახით დაკითხვის შუამდგომლობა პარტიამ „გახარია საქართველოსთვის“ საკონსტიტუციო სასამართლოს დღევანდელ სხდომაზე დააყენა, სადაც მესამე დღეა, გრძლდება ოპოზიციური პარტიების აკრძალვის შესახებ „ქართული ოცნების“ სარჩელის განხილვა.
პარტიის წარმომადგენელმა ბერდია სიჭინავამ განმარტა, რომ მაგალითად, ე.წ. ჩორჩანასა და 20 ივნისის საქმეებთან დაკავშირებით, რომლებიც ქართული ოცნების სარჩელშია ასახული, სხდომაზე უნდა დაიკითხოს ბიძინა ივანიშვილი, რომელიც პარტია“ქართული ოცნების“ თავმჯდომარე იყო და ჩორჩანას საგუშაგოს ჩადგმიდან ერთი კვირის ვადაში თავად წარადგინა გიორგი გახარია პრემიერ-მინისტრის თანამდებობზე და თავის დროზევე არ გამიჯვნია ამ გადაწყვეტილებას.
„სასამართლო სხდომაზე უნდა მობრძანდნენ და მოწმის სახით დაიკითხონ ბიძინა ივანიშვილი, რომელიც იყო პარტია „ქართული ოცნების“ თავმჯდომარე, რომლის წარდგენითაც გახდა პრემიერ-მინისტრი გიორგი გახარია და არ გამიჯვნია არც ჩორჩანას და არც 20 ივნისს, ეს არის დამადასტურებელი იმისა, რომ გამიჯვნის საკითხი 20 ივნისიდან და ჩორჩანიდან ახლა, სასამართლოში, მანიპულაციური მიზნებით არის წარმოდგენილი; კახა კალაძე, რომელიც იყო მაშინ „ქართლი ოცნების“ გენერალური მდივანი და არ გამიჯვნია ამ საკითხს, ბატონი კობახიძე, რომელიც არ გამიჯვნია კი არა, ავტორიც იყო, პასუხისმგებელი, 20 ივნისს განვითარებული უბედურების, რაც ამ ქვეყანას დაატყდა თავს და მისი უმრავლესობის ლიდერობის პერიოდში გიორგი გახარია წარსდგა პრემიერ-მინისტრის თანამდებობაზე და ნდობა გამოუცხადა საქართველოს პარლამენტმა; არჩილ თალაკვაძე, რომელიც იყო პარლამენტის თავმჯდომარე, მამუკა ბახტაძე და მას სპეციფიკური ნაწილი აქვს ჩორჩანას საკითხთან დაკავშირებით, რომელიც იყო პრემიერ-მინისტრი და მაშინ არა თუ მისი განცხადება არ მოგვისმენია ჩორჩანასთან და 20 ივნისთან დაკავშირებით, არამედ არც გამოჩენილა. ვახტანგ გომელაური, რომელიც იყოს სუს-ის ხელმძღვანელი, საინტერესო იქნება მისი მოსმენა აქ. ბატონი გრიგოლ ლილუაშვილი, რომელიც იყო სუს-ის უფროსის პირველი მოადგილე, კურირებდა საოკუპაციო მიმართულებას, რომელმაც 2019 წელს საქართველოს პარლამენტში გააგზავნა ანგარში ჩორჩანასთან დაკავშირებით, სადაც ჩაწერა, რომ ქართული საპოლიციო საგუშაგო აგებულ იქნა ეროვნულ უსაფრთხოების ინტერესების გათვალისწინებით სოფელ ჩორჩანაში ჩვენს კონტროლირებად ტერიტორიაზე 240 მეტრის დაშორებით და ამ პერიოდში მცოცავი ოკუპაციის საფრთხეები იყო განსაკუთრებულად მომეტებული. გრიგოლ ლილუაშვილის ამ დასკვნას საქართველოს პარლამენტში მხარი დაუჭირა 84-მა დეპუტატმა; გია ვოლსკი, რომელიც ასევე პოლიტიკური საბჭოს წევრი იყო, ბატონი სოზარ სუბარი, რომელსაც ვრცელი ინტერვიუ აქვს მიცემული, თეა წულუკიანი და მამუკა მდინარაძე, როგორც საპარლამენტო ფრაქციის თავმჯდომარე.
2019 წლის 24 აგვისტოს ჩაიდგა საგუშაგო ჩორჩანაში. ერთი კვირის ვადაში, 2 სექტემბერს კი ბატონმა ივანიშვილმა საკუთარი ხელმოწერით წარადგინა პოლიტსაბჭოს გადაწყვეტილებით, გიორგი გახარია პრემიერ-მინისტრის თანამდებობაზე ნდობის გამოსაცხადებლად. მაშინ არც ბიძინა ივანიშვილი არ გამიჯვნია ამ გადაწყვეტილებას და არც ის პოლიტიკური გუნდი, რომელმაც 2019 წელს 90 ხმით ნდობა გამოუცხადა გიორგი გახარიას, როგორც პრემიერ-მინისტრს. მაშინ გამიჯნულები კი არა გამიჯნურებულები იყვნენ 2019 წლის პერიოდში გიორგი გახარიაზე ეს ადამიანები, მაგრამ 5 წლის თავზე აღმოაჩინეს რომ დანაშაული იყო ჩადენილი.
ასევე, 20 ივნისის საკითხზე- მოსარჩელის მტკიცებით, 2019 წლის ივნისში „ერთიანი ნაციონალური მოძრაობა“ და მასთან მჭიდროდ დაკავშირებული სხვა პოლიტიკური პარტიები პარლამენტის სასახლის შტურმით აღებას შეეცადნენ, რის შედეგადაც სამართალდამცავი ორგანოების წარმომადგენლებმა, მოქალაქეებმა ჯანმრთელობის სხვადასხვა სახის დაზიანება მიიღეს. 20 ივნისი არის საკითხი, რომელზეც საზოგადოება ვერ თანხმდება. მეც მგონია, რომ ეს იყო გულწრფელი პროტესტის დღე და საღამოს მიუღებელი იყო ის ქმედებები, რაც ხორციელდებოდა პარლამენტის შტურმისკენ, მაგრამ მინდა გითხრათ, რომ ერთი მხრივ, პარტიის კონსტიტუციურობის შეფასების საფუძვლად წარმოდგენილი აქვთ პარლამენტზე შტურმი და პარლამენტის მოგერიებაც, თურმე, პარტიის აკრძალვის საფუძველია“,- განაცხადა ბერდია სიჭინავამ.
მანამდე პარტია „გახარია საქართველოსთვის“ სხდომის გადადებას ითხოვდა. პარტიის წარმომადგენლის განმარტებით, რადგანაც ოპოზიციური პარტიების აკრძალვის სარჩელს მათი პოლიტიკური გაერთიანება 13 ოქტომბერს დაემატა, საქმის განხილვა კი 21 ოქტომბერს დაიწყო, მათ არ ქონდათ შესაგებლისთვის საჭირო გონივრული ვადა, ამიტომ ბერდია სიჭინავამ სხდომის ერთი თვით გადადება მოითხოვა, რასაც არც მოსარჩელე მხარე დაეთანხმა და არც სასამართლო
დღესვე სასამართლომ არ დააკმაყოფილა გახარიას პარტიის შუამდგომლობა პლენუმის წევრი სერგო მეთოფიშვილის აცილებაზე.
საკონსტიტუციო სასამართლოს სხდომა 5 ოპოზიციური პარტიის არაკონსტიტუციურად ცნობასთან დაკავშირებით,ორშაბათს, 14:00 საათზე განახლდება.
სწორედ ორშაბათს გამოაცხადებს პლენუმი გადაწყვეტილებას გახარიას პარტიის შუამდგომლობაზე ბიძინა ივანიშვილისა და ქართული ოცნების სხვა მოქმედი თუ ყოფილი თანამდებობის პირების მოწმის სახით დაკითხვასთან დაკავშირებით. ამის შემდეგ კი საქმის არსებითი განხილვა დაიწყება