საპარლამენტო არჩევნებში დამარცხების შემდეგ შვედეთის პრემიერმინისტრი ულფ კრისტერსონი გადადგა – ინფორმაციას გამოცემა Guardian ავრცელებს და წერს, რომ საბოლოო მონაცემებით, ყოფილ პრემიერმინისტრ მაგდალენა ანდერსონის სოციალ-დემოკრატიული პარტიის ხელმძღვანელობით მოქმედმა მემარცხენე-ცენტრისტულმა ბლოკმა გამარჯვება 50 359 ხმის უპირატესობით მოიპოვა.
შვედეთის საზოგადოებრივი მაუწყებლის მიერ გამოქვეყნებული მონაცემებით, მემარცხენე-ცენტრისტულმა ოპოზიციურმა პარტიებმა ახალ პარლამენტში 176 ადგილი მიიღეს, კრისტერსონის კოალიციურმა მთავრობამ და ულტრამემარჯვენე „შვედმა დემოკრატებმა“ კი 173 მანდატი მოიპოვეს
შვედეთის ახლადარჩეული პარლამენტი 28 სექტემბერს შეიკრიბება, რათა დეპუტატებმა ფიცი დადონ და პარლამენტის თავმჯდომარე აირჩიონ. ცნობილია, რომ ახალი თავმჯდომარე პრემიერმინისტრობის კანდიდატურას წარადგენს, რის შემდეგაც დეპუტატები კანდიდატს კენჭს უყრიან. თუ დეპუტატების ნახევარზე მეტი კანდიდატურის წინააღმდეგ მისცემს ხმას, პარლამენტის თავმჯდომარე პრემიერმინისტრის ახალი კანდიდატის შერჩევის პროცესს დაიწყებს