“დადგენილია, არანაირ ძალადობას ადგილი არ ჰქონია – განაცხადა ამის შესახებ, შალვა პაპუაშვილმა პატიმარ გიორგი დავითაძეზე.
“ჯერ კიდევ 2025 წლის დეკემბერში ამ პატიმარმა განაცხადა, რომ მის წინააღმდეგ ადგილი ჰქონდა ძალადობას. ეს საკითხი შეისწავლა სახალხო დამცველის ოფისმა, ნახა ვიდეოჩანაწერები, დადგინდა, რომ არანაირ ძალადობას ადგილი არ ჰქონია. დაიწყო გამოძიებაც. ამის შემდეგ იყო რამდენიმე პროცესი ამ ადამიანის, სადაც არაფერი არ უთქვამს. რატომღაც ახლა, ერთი კვირის წინ ისევ წამოწიეს ეს საკითხი. წამოწიეს მაშინ, როცა ვიდეოები ნანახია, დაარქივებულია, დადგენილია, რომ არანაირ ძალადობას ადგილი არ ჰქონია.
პენიტენციურმა სამსახურმა და იუსტიციის სამინისტრომ გამოაქვეყნა ვიდეოჩანაწერი იმის დასადასტურებლად, რომ არანაირი ძალადობა არ ყოფილა და თქვენ წარმოიდგინეთ აბსურდი, რომ ეხლა, ჩვენ გვაჯერებენ, რომ იუსტიციის სამინისტრომ იმისთვის, რომ ეჩვენებინა, რომ ძალადობა არ იყო, გამოაქვეყნა კადრები, რომელშიც ძალადობა არის? ეს ხომ აბსურდი არის?! …
ეს არის შარშან დეკემბრის ამბავი, სახალხო დამცველმაც გადაამოწმა და არაფერი არ იყო, ახლაც პენიტენციურმა გამოაქვეყნა ვიდეო… იუსტიციის სამინისტრო ჰგონიათ იმდენად არაკომპეტენტური, აქვეყნებენ ვიდეოს იმის სამტკიცებლად, რომ ძალადობა არ არის და ამ ვიდეოზე ამბობენ, რომ ძალადობა არისო”, – თქვა პაპუაშვილმა.