“რუსები თვლიან და ამტკიცებენ, თითქოს უკვე ოკუპირებული აქვთ დონბასის ნახევარი, რომელიც სინამდვილეში ჩვენს კონტროლქვეშაა” -განაცხადა უკრაინის პრეზიდენტმა, ვოლოდიმირ ზელენსკიმ ჟურნალისტებთან საუბრისას.
“როდესაც ჩვენი სავარაუდო მოლაპარაკებების ჯგუფის მეორე მოხსენება მივიღე აბუ-დაბიში შეხვედრების შემდეგ, მათ თქვეს, რომ რუსები თვლიან და ამტკიცებენ, თითქოს უკვე ოკუპირებული აქვთ დონბასის ნახევარი, რომელიც სინამდვილეში ჩვენს კონტროლქვეშაა. ესენი იყვნენ სამხედრო ოფიცრები, რუსული დაზვერვა და სრულიად სერიოზულად საუბრობდნენ ამაზე. ჩვენმა გუნდმა უთხრა მათ: „ჩვენ არ გვესმის, როგორ შეგიძლიათ ზოგადად ასეთი რამის თქმა. ჩვენ გვაქვს ვიდეოჩანაწერები, ფოტოები და სხვა მტკიცებულებები იმისა, რომ ეს ტერიტორიები ჩვენს კონტროლქვეშაა“.
სწორედ აქ არის პრობლემა. პუტინი სხვა რეალობაში ცხოვრობს. რა თქმა უნდა, ის ამერიკელებს მოუყვება, რომ მას ერთი-ორი თვე სჭირდება უკრაინის აღმოსავლეთის სრულად დასაკავებლად. მეც შემიძლია დავუხატო მას ნახატი, რომელზეც რუსეთს სრულად ვიკავებ. მაგრამ ეს ხომ სიმართლე არ არის. პოზიტიური მომენტი ის იყო, რომ ამერიკულმა მხარემ დაადასტურა უკრაინული შეფასება იმისა, რაც ბრძოლის ველზე ხდება.
სწორედ ამიტომ გვჭირდება დასხდომა და ლიდერების დონეზე საუბარი. ბევრი საკითხია. მაგალითად, ჩვენ ვსაუბრობდით ქალაქ ხერსონზე, სადაც გამყოფი ხაზი მდინარეზე გადის. რუსები აკონტროლებენ ერთ სანაპიროს, ჩვენ – მეორეს. მაგრამ ხალხს სურს ერთად ცხოვრება ორივე სანაპიროზე. ეს უკრაინული ქალაქია. ასეთი საკითხები მგრძნობიარეა, მაგრამ მათზე უნდა ვისაუბროთ. ვფიქრობ, ხვალ გუნდები განიხილავენ ლიდერების დონეზე შეხვედრის შესაძლებლობას. არ ვარ დარწმუნებული, რომ რუსეთი მზადაა, მაგრამ ჩვენ ამ საკითხს წამოვჭრით.“ – თქვა ზელენსკიმ.