გორის ჰოსპიტალში ჯარისკაცი გარდაიცვალა. დაჭრილი სამხედრო მოსამსახურე საავადმყოფოში 21 ოქტომბერს შეიყვანეს, თუმცა ექიმებმა მისი გადარჩენა ვერ მოახერხეს. ინფორმაციას „ქართლის ამბები“ ავრცელებს.
გარდაცვლილი ახალგაზრდა მამაკაცი ძევერის დევნილთა დასახლებიდან იყო.
თავდაცვის სამინისტროს მიერ 21 ოქტომბერს გავრცელებული ინფორმაციით, ჯარისკაცმა ცეცხლსასროლი იარაღით თვითდაზიანება მიიყენა.
უწყების ცნობით, ფაქტზე საქართველოს თავდაცვის სამინისტროს სამხედრო პოლიციის დეპარტამენტში გამოძიება საქართველოს სისხლის სამართლის კოდექსის 115-ე მუხლის პირველი ნაწილით მიმდინარეობს.