ეკა ბესელიამ ყოფილ თანაგუნდელებს “კოლექტიური ტერორისტები” უწოდა.
დეპუტატმა სოციალურ ქსელში განცხადება მისი პირადი ცხოვრების კადრების გავრცელებასთან დაკავშირებით გააკეთა.
“ვხედავ ისეთ საშინელ კომენტარებს, მათ შორის ყოფილი თანაპარტიელების მხრიდან და არამხოლოდ, რომ ეს გაფიქრებინებს რომ რეალური ტერორის მონაწილეები შეიძლება იყვნენ ეს ადამიანები. მე არ მინდა პერსონიფიცირება კიდევ ერთხელ გვარების, ეს არის კოლექტიური სახე ტერორისტების, რომლებსაც შეუძლიათ ადამიანები გაიმეტონ ყველაფრისთვის,”-აცხადებს ეკა ბესელია.
დაუცველობის განცდა უჩდებათ ადამიანებს, როდესაც ხედავენ რამდენჯერ განხორციელდა პირადი სივრცის ხელყოფა , უკანონო ჩანაწერების გავრცელება და ისევ არ ჩანს ამ ყველაფრის ორგანიზატორი …. მაგრამ მაშინვე ჩდებიან საჯარო კომენტარებით მათიკაშვილ-ოხანაშვილ -კილაძეები .. (ყველას გვარს რა ჩამოთვლის…კოლექტიური ტერორისტები) მათი კომენტარები ისეთი ამაზრზენია, რომ განცდა გრჩება ამ მორალური ტერორის მონაწილეები თავადაც არიან….უხარიათ…ვერ მალავენ შურისძიების სურვილს, ვერ ახერხებენ ასეთ დროს მაინც თავშეკავებას თავდასხმისგან….
მედიას მინდა ვთხოვო ისევ, მათ დიდი გავლენა აქვთ საზოგადოებრივი აზრის ფორმირებაზე:
ნუ შეუწყობთ ირიბად და უნებლიედაც კი- განმეორებით ვიქტიმიზაციას ხელს და ნუ მისცემთ საშუალებას მორალურ ტერორისტებს საჯაროდ განახორციელონ ეს ბოროტება… კითხვა დაუსვით კილაძეს როცა დახურულ მასალებს ასაჯაროებს ღია ეთერში , საიდან უნდა ქონდეს მოწმეს ეს მასალები ნანახი, როცა ამის უფლება არა აქვს კანონით და რატომ არ რეაგირებს საგამოძიებო უწყება როდესაც საჯაროვდება დახურული მასალები? აღარაფერს ვამბობ ამ სიცრუის და ცილსიწამების დასურულებელ სერიალზე რაც მოედინება…არ ვთვლი პასუხის ღირსად მათ ვისაც არა აქვთ ღირსება!!! დაე საზოგადოებამ განსაჯოს, დაინახოს, გააცნობიეროს რა ხდება და სახელი დაარქვას! “
