იემენში მოქმედა პრო-ირანულმა დაჯგუფებამ ხელოვნური ინტელექტის მოდელი Claude ბალისტიკური რაკეტის სისტემის პროგრამული უზრუნველყოფის დასაწერად გამოიყენა. ინფორმაციას Financial Times-ი ავრცელებს.
ამერიკულმა კომპანია Anthropic-ის უსაფრთხოების ანგარიშის თანახმად, ჩრდილოეთ იემენში, ტერიტორიაზე, რომელსაც ირანის მიერ მხარდაჭერილი ჰუსიტები აკონტროლებენ, მოქმედებდა ჯგუფი, რომელიც იარაღის შექმნის სამ პროექტზე მუშაობდა:
- მართვადი რაკეტა, რომელიც ფრენის კონტროლისთვის სმარტფონის დონის კომპიუტერს იყენებდა და ბოლო ფაზაში თვითნაპოვნი (homing) სისტემით სამიზნეს მიაგნებდა;
- მრავალსაფეხურიანი ბალისტიკური რაკეტა, დაფარვის დეკლარირებული რადიუსით 2000 კილომეტრზე მეტი;
- მრავალვარიანტიანი სარაკეტო კომპლექსი, კოდური სახელით „R2000″, რომელშიც ჰიპერბგერითი მართვადი მოწყობილობის ვარიანტიც შედის
როგორ გამოიყენებოდა Claude
Anthropic-ის უსაფრთხოების ანგარიშის მიხედვით, ჯგუფმა პროგრამისტების ნაცვლად Claude Code გამოიყენა მართვის, ნავიგაციისა და სტაბილიზაციის (GNC) პროგრამული კოდის დასაწერად — მათ შორის, ღია კოდის ავტოპილოტის სისტემის ინტეგრირებისთვის სმარტფონის დონის მფრინავ კომპიუტერთან, კონტროლისა და პოზიციის შეფასების პროგრამული უზრუნველყოფის დასაწერად, პარამეტრების დასარეგულირებლად, პროგრამის აწყობისა და ფრენის სიმულაციების ჩასატარებლად.
ჯგუფი ერთდროულად რამდენიმე Claude-ის სესიას იყენებდა, თითოეულს ცალკე ფუნქცია ჰქონდა მინიჭებული — ერთი კოდის დასაწერად, მეორე კვლევისთვის, მესამე კი პირველის მიერ შესრულებული სამუშაოს გადასამოწმებლად.
- როგორ ცდილობდნენ დაცვის მექანიზმების გვერდის ავლას
საბოლოო მიზანს მალავდნენ, რის გამოც სისტემამ ყველა მოთხოვნის დაბლოკვა ვერ შეძლო.
ჯგუფმა მართვადი რაკეტა გამოსცადა, თუმცა უშედეგოდ. რამდენიმე საათში მათ კვლავ Claude-ს ჰკითხეს, თუ რატომ ჩავარდა ტესტი.
Anthropic-ის განცხადებით, კომპანიის უსაფრთხოების სისტემამ ჯგუფის მოთხოვნების უმეტესობა დაბლოკა, თუმცა არა ყველა, რადგან საბოლოო მიზანს დაჯგუფების წევრები მალავდნენ, რის გამოც სისტემამ ყველა მოთხოვნის დაბლოკვა ვერ შეძლო.ჯგუფი სამუშაოს რამდენიმე სესიად დაყოფას მიმართავდა, რათა ცალკეულ საუბარში სრული სურათი არ გამჟღავნებულიყო.
ანგარიშის მიხედვით, ჯგუფმა მართვადი რაკეტის ცოცხალი გამოცდაც ჩაატარა, რომელიც, უშედეგოდ დასრულდა. რამდენიმე საათში მათ ისევ Claude-ს მიმართეს, რათა დაედგინათ, რატომ ჩავარდა ტესტი.
Anthropic-მა შესაბამისი ანგარიშები დაბლოკა და ინფორმაცია მთავრობებსა და ინდუსტრიის პარტნიორებს გაუზიარა. კომპანია ასევე ადასტურებს, რომ ჯგუფს უკვე შექმნილი ჰქონდა ავტონომიური, ოფლაინ სიმულაციის ხელსაწყოები, რომლებიც აღარ საჭიროებენ Claude-ს ან კომერციულ პროგრამებს, როგორიცაა MATLAB — შესაბამისად, აკრძალვამ ჯგუფის შესაძლებლობების ნაწილი ხელუხლებელი დატოვა.
აქტივობა, რომელშიც Claude-ის Haiku, Sonnet და Opus მოდელები იყო ჩართული, 2025 წლის დეკემბრიდან 2026 წლის აგვისტომდე პერიოდს მოიცავს. იემენის შემთხვევა ერთ-ერთია ექვსი მსგავსი საქმიდან, რომლებიც Anthropic-მა ჩვეულებრივი შეიარაღების შემუშავებასთან დაკავშირებით გამოავლინა და რომელთაგან დანარჩენები რუსეთსა და ჩინეთს უკავშირდება. საერთო ჯამში, ეს არის კომპანიის მეოთხე მსგავსი ანგარიში 2025 წლის მარტიდან.