Reuters-მა ექსკლუზიური მასალა გამოაქვეყნა იმის შესახებ, თუ როგორ აღკვეთეს აშშ-ის, დიდი ბრიტანეთისა და ნორვეგიის სპეცსამსახურებმა ჩრდილოეთ ყინულოვან ოკეანეში რუსეთის საიდუმლო სამხედრო ოპერაცია.
გამოცემის ცნობით, რუსი სამხედროები შპიცბერგენის არქიპელაგის მახლობლად ცდიდნენ ახალ ტექნოლოგიასა და ღრმაწყლოვან აპარატებს, რომლებიც წყალქვეშა კაბელების უჩუმრად და მწყობრიდან გამოყვანისთვის არის განკუთვნილი.
ნატოს წევრმა ქვეყნებმა რუსეთის ღრმაწყლოვანი კვლევების მთავარი სამმართველოს (ГУГИ) გემები და წყალქვეშა ნავები დროულად აღმოაჩინეს, რის შედეგადაც რუსულმა მხარემ ტერიტორია ინფრასტრუქტურის დაზიანების გარეშე დატოვა.
აღნიშნული მოვლენა გაზაფხულზე მოხდა, ხოლო დეტალები ახლა გახდა ცნობილი. კაბელები არ დაზიანებულა.
ნორვეგიის თავდაცვის მინისტრმა, ტურე სანდვიკმა, განაცხადა, რომ ერთობლივმა ოპერაციამ რუსეთს დაანახა, რომ ვერ შეძლებდა ფარულად მოქმედებას. ბრიტანეთისა და ნორვეგიის მთავრობებმა უკვე აპრილში აღიარეს, რომ ГУГИ ცდილობდა ფარულ საქმიანობას მათ წყლებში.
შპიცბერგენს მატერიკულ ნორვეგიასთან აკავშირებს ორი, დაახლოებით 1,400 კილომეტრის სიგრძის ბოჭკოვან-ოპტიკური კაბელი, რომლებიც დაახლოებით 2,700 მეტრის სიღრმეზეა გაყვანილი და გადასცემენ მონაცემებს SvalSat-იდან — ერთ-ერთი უმსხვილესი სატელიტური მიწისზედა სადგურიდან. წყალი შპიცბერგენსა და მატერიკულ ნორვეგიას შორის, ცნობილი როგორც „დათვის ხეობა” (Bear Gap), ასევე რუსეთის კოლის ნახევარკუნძულიდან ატლანტის ოკეანისკენ მიმავალი გზის ნაწილია რუსული ატომური წყალქვეშა ნავებისთვის.
რუსეთის თავდაცვის სამინისტროს კომენტარი არ გაუკეთებია.