“სადღეგრძელოები არ გვჭირდება აქ, ეს არის დაცინვა, სპექტაკლი“- ხმაური პარლამენტში პრემიერის მოსმენამდე

პლენარული სხდომა, რომელზეც ინტერპელაციის ფორმატით მამუკა ბახტაძეს, დავით სერგეენკოს და თამარ ჟვანიას უნდა მოუსმინონ ხმაურით დაიწყო. ხმაურის ფონზე, დიდი ხნის განმავლობაში მიმდინარეობადა კამათი და დავა პროცედურაზე და გრაფიკზე. ოპოზიციამ და დამოუკიდებელმა დეპუტატებმა პროტესტი გამოთქვეს დადგენილ გრაფიკზე, რომლის მიხედვითაც, დამოუკიდებელ დეპუტატებს და ოპოზიციის წევრებს კითხვის დასასმელად ორ წუთზე მეტი არ ჰქონდათ განსაზღვრული.  დეპუტატების შეფასებით, არასწორად ხდება ინტეპელაციის დროების განსაზღვრა. ოპოზიციამ და დამოუკიდებელმა დეპუტატებმა დროის გაზრდა მოითხოვეს, რადგან მათი განმარტებით, ასეთ შემთხვევაში, ინტერპელაცია აზრს კარგავს.