ქართული ოცნებიდან ქუთაისის საკრებულოს წევრი, ნანა კოსტავა 28 მაისს საკუთარ ფეისბუქ გვერდზე აზიარებს სალომე ბარკერის ვიდეოს წარწერით: “კაი დღეში ხარ ახლა, იცინე!” საკრებულოს წევრმა ვიდეო სწორედ მაშინ გააზიარა ამ წარწერით როდესაც სალომე ბარკერის და დაიღუპა.
სალომე ბარკერის და 26 მაისს დაიღუპა. კერძო სკოლის მოსწავლეები ლაგოდეხში ექსკურსიაზე იმყოფებოდნენ, როდესაც 16 წლის გოგოს ფეხი დაუცდა და დინებამ წაიღო. მის ცხედარს მთელი ღამის განმავლობაში ეძებდნენ.
ამ პოსტის გამოქვეყნების შემდეგ, ნანა კოსტავა მისივე ფეისბუქ გვერდზე ბევრმა მომხმარებელმა გააკრიტიკა და მის საქციელს “სამარცხვინო” უწოდა. თავად დეპუტატმა განაცხადა, რომ მან მომხდარის შესახებ არ იცოდა, მაგრამ დამატებით მაინც განმარტა რომ “იცინის ის, ვინც ბოლოს იცინის და რაღაცნაირად ბოროტი ძალებისგან გადაუხადეს სამაგიერო.”
“პირველად მესმის თქვენგან, ეს ძალიან სამწუხაროა, ვუსამძიმრებ ნამდვილად. მე არაფერ შუაში ვარ… რაღაცნაირად ბოროტი ძალებისგან გადაუხადეს სამაგიერო. მე ნამდვილად არ ვიცოდი ეგ”, — ამბობს დეპუტატი.
