პარლამენტარი ბიძინა გეგიძე სახელმწიფო უსაფრთხოების სამსახურში გამოკითხვაზეა დაბარებული. ინფორმაციას ამის შესახებ მმართველი გუნდის დეპუტატი სოციალურ ქსელში ავრცელებს.
გეგიძის ინფორმაციით, გამოკითხვაზე ანტიკორუფციული სააგენტოს წარმომადგენლებმა დაიბარეს. ის უწყებაში უახლოეს დღეებში მივა.
ამ დროისთვის უცნობია, რა საკითხთან დაკავშირებით არის დაბარებული ის გამოკითხვაზე. ბიძინა გეგიძის განცხადებები ბოლო პერიოდში რამდენჯერმე არ დაემთხვა უმრავლესობის პოზიციას, მაგალითად შინაგან საქმეთა მინისტრის, გიორგი გახარიას გადაგომასთან დაკავშირებით. დეპუტატმა განაცხადა, რომ გახარიას ადგილზე ის გადადგებოდა.
