{{ARTICLEIMAGE}}
პარლამენტში დღეს ეკონომიკისა და მდგრადი განვითარების მინისტრს გიორგი ქობულიას მოუსმენენ.
დარგობრივი ეკონომიკისა და ეკონომიკური პოლიტიკის კომიტეტში მინისტრი 2019 წლის სამოქმედო გეგმაზე ისაუბრებს, რის შემდეგაც დეპუტატების კითხვებს უპასუხებს.
“სერიოზული პრობლემებია მთავრობის დაქვემდებარებულ სფეროში, კორუფციამ წაიღო გაზის სექტორი, ენერგეტიკის სექტორი. რა ხდება პრივატიზაციაში – აბსოლუტურად გაუმჭვირვალე პროცესია, იყიდება რაღაც ქონებები და არ ვიცით როგორ ყიდულობენ, ვინ ყიდულობს. ეკონომიკის ყველა მიმართულებით არის სტაგნაცია, აცხადებს “ნაციონალური მოძრაობის” წევრი რომან გოცირიძე.
“ევროპულ საქართველოში” კი ამბობენ, რომ ქვეყანაში სიღარიბის ზრდა ეკონომიკური ხედვის არარსებობამ გამოიწვია და სწორედ ამაზე ისაუბრებენ მინისტრთან.
“დისკუსიის საგანი იქნება ეკონომიკური ხედვის არქონა, რასაც განასახიერებს კიდეც ბატონი ქობულია და ასევე მთავრობის მიერ ბოლო დროს გადადგმული კონკრეტული ნაბიჯები, რამაც გამიწვია სიდუხჭირის ზრდა და ეკონომიკური უკუსვლა”ამბობს გიორგი კანდელაკი.
მინისტრი პარლამენტში 17:00 საათზე მივა.