ბათუმის დედათა და ბავშვთა ჯანმრთელობის ცენტრში გარდაიცვალა ექვსი წლის ბიჭი, რომლის მშობლები ბათუმი-ქობულეთის შემოვლით გზაზე გუშინ მომხდარ ავტოავარიას ემსხვერპლნენ. ავარიისას 11 ადამიანი დაშავდა, რომელთა შორის იყო 6 წლის ბიჭი და მისი 5 წლის და, რომელიც ამჟამად თბილისში, იაშვილის კლინიკაშია გადაყვანილი.
სხვა დაშვებულები კი ქობულეთის კლინიკაში რჩებიან. მათი მდგომარეობა ექიმების თქმით სტაბილურია. დაშავებულთა შორის არიან უცხო ქვეყნის მოქალაქეებიც.
შემთხვევა ბათუმი-ქობულეთის შემოვლით გზაზე წუხელ მოხდა. ერთმანეთს სამი “მინივენი” შეეჯახა. რა გახდა ავარიის მიზეზი გამოძიება დაადგენს . გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
