პარტია “ქართული ოცნების” გენერალური მდივანი საპარლამენტო უმრავლესობის დატოვების შესახებ გედევან ფოფხაძის განცხადებას აფასებს. კახა კალაძე ამბობს, რომ პარტიულ დისციპლინას დიდი მნიშვნელობა აქვს, ხოლო ვისაც სურვილი აქვს, დატოვოს გუნდი, კარი ღიაა.
“პარტიულ დისციპლინას აქვს ძალიან დიდი მნიშვნელობა. გუნდში სხვადასხვა საკითხებზე მსჯელობას არავინ ზღუდავს – შეუძლებელია, ყველას ყველა თემაზე ერთნაირი მოსაზრება ჰქონდეს. როდესაც მოხდება შეჯერება გუნდში, პარტიის შიგნით, შემდეგ განსხვავებული მოსაზრებების დაფიქსირება არასწორად მიმაჩნია. ვისაც გუნდის დატოვების სურვილი აქვს, კარი არის ღია – შეუძლიათ, დატოვონ გუნდი”, განუცხადა ჟურნალისტებს კახა კალაძემ.
