მიხეილ სააკაშვილის განცხადებით, კორონავირუსის საფრთხის გამო, ირანის მოქალაქეების საქართველოში შემოსვლა უნდა აიკრძალოს.
მისი თქმით, მალე სპარსული ახალი წელი, ნოვრუზი მოდის და ტრადიციისამებრ მინიმუმ 40-50 ათასი ირანელი აპირებს საქართველოში ჩამოსვლას, რისი დაშვებაც კატეგორიულად გამორიცხულია, რადგან ირანში კორონავირუსით 5 ადამიანი გარდაიცვალა.
საქართველოს მესამე პრეზიდენტი მთავრობას მიმართავს, შეაჩეროს ირანთან ავიამიმოსვლა, აკრძალოს ირანის მოქალაქეებისთვის დროებით შემოსვლა და ირანიდან ჩამოსული საქართველოს მოქალაქეები საგულდაგულოდ შეამოწმოს.
