მილიარდერი, მედიამაგნატი და ნიუ-იორკის ყოფილი მერი მაიკლ ბლუმბერგი ამერიკის საპრეზიდენტო მარათონს გამოეთიშა და მხარდაჭერას ყოფილ ვიცე-პრეზიდენტ ჯო ბაიდენს უცხადებს. CNN-ის ინფორმაციით, ამის შესახებ ბლუმბერგმა თავისი მომხრეებისადმი წერილში დაწერა.
„სამი თვის წინ, საპრეზიდენტო მარათონში ჩავები იმ მიზნით, რომ გამემარჯვა დონალდ ტრამპზე. დღეს ამ მარათონს ვტოვებ იმავე მიზეზით: გავიმარჯვოთ დონალდ ტრამპზე, რადგან ჩემთვის ნათელი გახდა, რომ ჩემი აქ ყოფნა გაართულებს მიზნის მიღწევას“, – წერს ბლუმბერგი.
მანვე „ტვიტერში“ დაწერა, რომ ტრამპზე გამარჯვება იწყება კანდიდატთან გაერთიანებით, რომელსაც უკეთესი შანსი აქვს ამის გასაკეთებლად. მისი თქმით, ეს მისი მეგობარი და უდიდესი ამერიკელი ჯო ბაიდენია.
