მეცნიერთა საერთაშორისო ჯგუფმა პირველად მედიცინის ისტორიაში სრულად გაშიფრა 38 სახის კიბოს უჯრედები და დნმ–ს მუტაციების ამომწურავი კატალოგი შეადგინა, რომლებიც ონკოლოგიური დაავადებების განვითარებას იწვევს.
უპრეცედენტო მაშტაბების კვლევას სახელწოდებით “კიბოს ყველა სახეობის სრული გენომის ანალიზი“ – 10 წელზე მეტი დაჭირდა. სამუშაოში 37 ქვეყნის 1300 გენეტიკოსი მონაწილეობდა. მისი შედეგები კი ორი დღის წინ ოცზე მეტ სამეცნიერო ჟურნალში გამოქვეყნდა.
მეცნიერები ამბობენ, რომ კიბოს წარმოქმნის მიზეზები შეიძლება ფაზლს შევადაროთ, რომელიც 100 ათასი ნაწილისგან შედგება. დღემდე მეცნიერები ცდილოდნენ სრული სურათი შეეკრათ, როცა ხელში მხოლოდ ყოველი მეასე ფრაგმენტი ეჭირათ. ახლა კი შეუძლიათ მას მთლიანობაში შეხედონ.
“შეგროვილი ინფორმაციის დახმარებით სიმსივნეების წარმოშობისა და განვითარების შესახებ ჩვენ შეგვიძლია შევიმუშაოთ კიბოს ადრეული დიაგნოსტიკის მეთოდები, თერაპიის უფრო მიზნობრივი მეთოდები და პაციენტებს დიდი წარმატებით ვუმკურნალოთ“ – განაცხადა მკვლევართა ჯგუფის საკოორდინაციო კომიტეტის წერვმა, ლინკოლნ სტაინმა.
რაში მდგომარეობს ამ უპრეცედენტო ნაშრომის არსი და როგორ შეიძლება მან ონკოლოგაში რევოლუცია მოახდინოს:
ნებისმიერი სიმსივნის მიზეზი დნმ–ს მუტაციაა. თუმცა მეცნიერებისთვის ცოტა რამ არის ცნობილი იმის შესახებ, სად და რატომ ხდება გენეტიკური კოდის “გატეხვა“, რაც კიბოს განვითარებას იწვევს.
ახალი კვლევის მონაწილეებმა მთლიანად გაშიფრეს 2800 პაციენტის კიბოს უჯრედების გენეტიკური ინფორმაცია, რომლებიც 38 სხვადასხვა სახეობის ონკოლოგიური დაავადებით იყვნენ დაავადებული.
შედეგად გაკეთდა რამდენიმე ათეული აღმოჩენა – დაწყებული ე.წ. დრაივერული მუტაციების ზუსტი განლაგებისა და რაოდენობის დადგენით, დამთავრებული სხვადასხვა ქსოვილების კიბოს უჯრედების მოულოდნელი გენეტიკური დამთხვევების შესახებ.
მათ შორის, გაირკვა, რომ კიბოს ზოგიერთი სახეობის მიმართ მიდრეკილება შეიძლება დიაგნოზამდე რამდენიმე ათეული წლით ადრე, ზოგჯერ კი ბავშვობაშიც ჩამოყალიბდეს.
