მსოფლიოს მასშტაბით COVID 19-ით ინფიცირებულთა რაოდენობამ 160 ათასს გადააჭარბა, გარდაცვლილი კი 6000-ზე მეტია.
უახლესი ინფორმაციით, ირანში მხოლოდ დღეს 113 ადამიანი დაიღუპა, 1209 დაინფიცირდა.
კრიტიკული სიტუაციაა ესპანეთშიც. ევროპის ამ ქვეყანაში ბოლო 24 საათში 1300-ზე მეტი ახალი შემთხვევა დაფიქსირდა, 95 კი გარდაიცვალა.
ჯერჯერობით უცნობია, რა მდგომარეობაა დღეს იტალიაში. ინფორმაცია სავარაუდოდ რამდენიმე საათში განახლდება.
