პარტია „გამარჯვებული საქართველოს“ ლიდერმა, ირაკლი ოქრუაშვილმა საპატიმროდან წერილი გამოაგზავნა. მისი გზავნილი პოლიციის მთავარი სამმართველოდან მისმა ადვოკატმა მამუკა ჭაბაშვილმა გაახმოვანა.
„ივანიშვილის ხელისუფლებიდან მოშორებისთვის თუ საჭიროა ციხეში ვიჯდე, ვიჯდები იმდენ ხანს, რამდენ ხანსაც მომიწევს. ციხიდან არანაკლებ გავაგრძელებ მისი ხელისუფლების ნგრევას და არ დავუთმობ არც „რუსთავი 2“ -ს და ვერც სხვა საქმეებზე გამაჩერებს“, – წერს ირაკლი ოქრუაშვილი.
შეგახსენებთ, რომ ყოფილი თავდაცვის მინისტრი გუშინ დააკავეს, მას ბრალად 20-21 ივნისის მოვლენების საქმეზე, ჯგუფური ძალადობის ორგანიზებას, ხელმძღვანელობა და მასში მონაწილეობა ედება, ბრალის დამტკიცების შემთხვევაში, ოქრუაშვილს 6 -დან 9 წლამდე პატიმრობა ემუქრება.
