33 წლი ქალი, რომელსაც ქმარმა დანით 6 ჭრილობა მიაყენა, ქირურგიის ცენტრის რეანიმაციულ განყოფილებაში მართვით სუნთქვაზე იმყოფება.
ექიმების შეფასებით, ქალის მდგომარეობა სტაბილურად მძიმეა, თუმცა მდგომარეობის გაუმჯობესების ტენდენცია შეინიშნება. პაციენტს რეანიმაციული ღონისძიებები უტარდება. იგი ქირურგიის ცენტრში ხაშურის საავადმყოფოდან გადაიყვანეს, სადაც ქირურგიული ჩარევა დასჭირდა.
დანით მიყენებული ჭრილობების გამო პაციენტს მრავლობითი დაზიანებები აქვს.
შემთხვევა 24 მარტს ხაშურში მდებარე ერთ-ერთ სალონში მოხდა. მამაკაცმა მეუღლეს დანით მრავლობითი დაზიანება მიაყენა. ახალგაზრდა ქალი სალონში სტილისტად მუშაობდა. მამაკაცი დაკავებულია.