რუსეთში, ქალაქ ვოლგოგრადის ავტოსადგურზე, ტრაილერში 52 წლამდე ასაკის მამაკაცი გარდაცვლილი ნახეს.
გარდაცვლილი გორში მცხოვრები რამაზ კამლაძეა. არსებული ინფორმაციით, ტრაილერი, სადაც გარდაცვლილი იპოვეს ერთ-ერთი კერძო კომპანიის საკუთრებაა. ინფორმაციას „რეგიონული კვირა“ ავრცელებს.
გარდაცვლილის ოჯახის ახლობელის თქმით, მამაკაცს გულის პრობლემა ჰქონდა და სავარაუდოდ გულის შეტევით დაიღუპა. ამ დრომდე, ცხედარი ვოლგოგრადის პროზექტურაში რჩება და სამედიცინო ექსპერტიზა არ ჩატარებია. საგარეო საქმეთა სამინისტროსთვის ოჯახს გადმოსვენების მოთხოვნით ამ ეტაპზე, არ მიუმართავს.
