რუსულ ტელეარხ Россия 1 –ზე საქართველოს შესახებ მომზადებული სიუჟეტი გავიდა, რომელიც საქართველოს რეალობას ისტორიულ კონტექსტში მიმოიხილავს. სიუჟეტის ავტორი, მაქსიმ კისილიოვი ხაზს უსვამს, რომ საქართველოში რუსულმა ენამ დაკარგული პოზიციები დაიბრუნა:
“რუსული ენა, რომელიც ათი წლის წინ აქ კინაღამ დაიღუპა, მაინც გადარჩა. რუსული ენა უცხოურ ენებს შორის ამ მიწაზე კვლავ ყველაზე მოთხოვნადია. იქ, სადაც ორასი წელი ისე ცხოვრობდა, როგორც სახლში, ეკონომიკამ დააბრუნა. სამიდან ორი ტურისტი, რომელიც აქაურობას აწყდება ჩვენს ენაზე საუბრობს.“– ამბობს ჟურნალისტი.
სიუჟეტის რესპოდენტია მოსკოველი ელენა, რომელიც უკვე სამი წელია ძველ თბილისში უძრავ ქონებას ყიდის რუსებზე, ანუ როგორც სიუჟეტის ავტორი ამბობს “ ამჟამად უკვე მხოლოდ ჩვენებზე.“ ჟურნალისტის თქმით “რუსმა ინვესტორებმა ადვილად მოუგეს ომი თბილისური ეზოებისთვის თურქეთს და ემირატებს. “
ელენა ამბობს, რომ ყველაზე აქტიური მყიდველები რუსები არიან. ყველა სხვა დანარჩენმა ქვეყანამ პირველობა რუსეთს დაუთმო.
სიუჟეტის ავტორი ამბობს, რომ ბაზარმა რეაგირება მოახდინა მოთხოვნაზე და რუსული მენიუ ახლა ყველა რესტორანშია.
ჟურნალისტი მაქსიმ კისილიოვი რუსულენოვან გრიბოედოვის თეატრსაც ეწვია და მის სამხატვრო ხელმძღვანელთან ინტერვიუც ჩაწერა. გრიბოედოვის საფლავზეც ავიდა და მისი შემოქმედების, ცხოვრებისა და საქართველოსთან კავშირის შესახებაც ისაუბრა. ჟურნალისტი თბილისის ისტორიას რუსულ კონტექსტში მიმოიხილავს. იხსენებს ვორონცოვს, რომელიც მისი თქმით ყველაზე პოპულარული რუსია საქართველოში.
სიუჟეტში საქართველოს სხვადასხვა კუთხე მოხვდა. მისი ნაწილი ქართულ ღვინოს დაეთმო, ნალილი კი ქართულ ჩაის, რომელიც რუსი ჟურნალისტის თქმით კავკასიური “ნამესტნიკების“ გარეშე საერთდ არ იარსებებდა.
“რუსეთის არმიას მათ იმდენად დიდი რაოდენობით სჭირდებოდა ჩაი, რომ საზღვარგარეთ მისი ყიდვა მეტისმეტად ძვირი დაუჯდებოდათ და ამჯობინეს იმპერიის ნაწილი ჩაის პლანტაციად გადაექციათ.“– ამბობს ჟურნალისტი.
რა თქმა უნდა, სიუჟეტში მოხვდა სტალინის სახლმუზეუმი გორში.
