საერთაშორისო რესპუბლიკური ინსტიტუტის (IRI) პრეზიდენტი, დენიელ ტვაინინგი გიგი უგულავას დაპატიმრებასთან დაკავშირებით აცხადებს, რომ სასამართლო ოპოზიციის წინააღმდეგ იარაღად არ შეიძლება იყოს გამოყენებული.
მისივე თქმით, აშშ-ში , ისევე როგორ საქართველოში, არსებობს შეშფოთება საქართველოს დემოკრატიული უკუსვლის გამო.
„საქართველოს დემოკრატია ზეწოლის ქვეშაა. დემოკრატიაში, ადმინისტრაციულ და სასამართლო ინსტიტუტებზე სახელმწიფოს კონტროლი, დემოკრატიული პოლიტიკური ოპოზიციის წინააღმდეგ იარაღად არ შეიძლება იყოს გამოყენებული. დემოკრატიის არსი მდგომარეობს პარტიებს შორის ჯანსაღ პოლიტიკურ შეჯიბრში და თანაბარ თამაშის წესებში, რომელიც მიუკერძოებელი კანონის უზენაესობით იმართება. ის მდგომარეობს თავისუფალ და სამართლიან არჩევნებში იმის უზუნველსაყოფად, რომ ლიდერები რჩებიან ანგარიშვალდებულნი ხალხის წინაშე და არ იყენებენ ძალაუფლებას ბოროტად, მათ შორის პოლიტიკური ოპონენტების, თავისუფალი მედიის და სამოქალაქო საზოგადოების წინააღმდეგ.
შეერთებულ შტატებში, ისევე როგორ საქართველოში, არსებობს შეშფოთება საქართველოს დემოკრატიული უკუსვლის გამო, რომელიც რისკის ქვეშ აყენებს ქართველი ხალხის დიდ მისწრაფებას იყოს დასავლეთის ნაწილი“, – ნათქვამია ტვაინინგის განცხადებაში, რომელსაც ,,ამერიკის ხმა” ავრცელებს.
