შესაძლოა, ტაქსებში 3-ზე მეტი პირის ყოფნაზე დაწესებული შეზღუდვა გაუქმდეს. ამის შესახებ მთავრობის ადმინისტრაციის უფროსმა ნათია მეზვრიშვილმა “პალიტრანიუსის” გადაცემა “დღის ნიუსრუმში” განაცხადა.
“რეალურად ჩვენ დადგენილ შეზღუდვებს, რაც არის დარჩენილი მსხვილი შეზღუდვების მოხსნით შემდეგ, ყოველ საბჭოს სხდომაზე ვიხილავთ. არ გამოვრიცხავ, რომ ეს საკითხი გადაიხედოს და გამორიხული არაფერია, მას შემდეგ რაც ვნახავთ, რომ ცუდ ქცევას და არაკეთილსინდისიერ ქცევას არ აქვს ადგილი მძღოლების მხრიდან”, – განაცხადა მეზვრიშვილმა.
ცნობისთვის, ტაქსებში 3-ზე მეტი ადამიანის ყოფნა დაშვებული არაა. შესაბამისი გადაწყვეტილება მთავრობამ კორონავირუსის გავრცელების პრევენციის ღონისძიებების ფარგლებში მიიღო.