“პირისპირ შეძლებ ჩემთან იგივეს გამეორებას, რაც გუშინ იკადრე? არამგონია” – ნათქვამია რეჟიმის პატიმრის, მსახიობის ანდრო ჭიჭინაძის საპატიმროდან გავრცელებულ წერილში სადაც ის კობახიძეს მიმართავს.
გუშინ, 17 აპრილს ირაკლი კობახიძემ რუსთავი 2-ის ეთერში ანდრო ჭიჭინაძეზე ისაუბრა და თქვა, რომ “ოჯახიდან აქვს ჩაბეჭდილი თავში, რომ შეიძლება ითამაშო რუსულ ფილმში”.
“რა დღეში ჩაგიგდიათ თავი! სავარაუდოდ, ცოტა ისტორია გეცოდინებათ და თქვენი გადაწყვეტილება რამეს ხომ არ გახსენებთ ისევ ჩვენი ისტორიიდან? დათო დოიაშვილი თავის სათქმელს ყველა სივრციდან იტყვის და ხალხი მის სათქმელს დაელოდება იმიტომ, რომ მართალია, ნიჭიერია, ნამდვილია და ღირსეული ადამიანია. ისე, წესით, ამ ყველაფრისთვის ვერ უნდა იცლიდეთ, გახსენებთ, გელათი გენგრევათ, 5 წელია ვერ გადახურეთ და მარტო თქვენი ბრალია, რაც გელათს ჭირს. სვეტიცხოველში ტაშტების შეყუდების მეტს ჯერჯერობით ვერაფერს ვხედავთ. ვისთვის იცლით? უხერხულობა ოდნავ მაინც არ გაწუხებთ? ჩემი სოლიდარობა უღირსეულეს მეგობარს დათო დოიაშვილს. დოი, ყველაფერი წინ არის!
ამასთან, ანდრო ჭიჭინაძე თავის წერილში, ქართული ოცნების პრემიერმინისტრის, ირაკლი კობახიძის რუსთავი 2-ის ეთერში გაკეთებულ განცხადებას გამოეხმაურა.
“რაც შეეხება ირაკლი კობახიძეს, გუშინდელ ინტერვიუში, სადაც ყველაფერი იკადრა, ჯერ თავდასხმაში დამადანაშაულა და მერე პირადად ჩემს ოჯახს შეეხო, რომელიც ყველა რეჟიმის წინააღმდეგ იბრძოდა, მათ შორის, წინა მთავრობის დროს… ჩემო ირაკლი, ის, რაც გააკეთე, ვინმე თუ გყავს კაცი გვერდზე, ჰკითხე, მაგ საქციელს რა ჰქვია. პირისპირ თუ აღმოვჩნდებით, შეძლებ ჩემთან იგივეს გამეორებას? არამგონია”, – ნათქვამია ანდრო ჭიჭინაძის წერილში.
