გზის ხელოვნურად გადაკეტვის საბაბით, 5 დღიანი პატიმრობა შეეფარდა აქტივისტის დედას, ფატი ბაგრატიას, რომელიც იზოლატორში მყოფ შვილს წამლებს აწვდიდა – გადაწყვეტილება მოსამართლე ნინო ენუქიძემ გამოაცხადა.
ფატი ბაგრატია სასამართლო სხდომას ვერ ესწრებოდა, რადგან ამ დროს ის ზესტაფონიდან თბილისში მოემგზავრებოდა. მოსამართლე ენუქიძემ სხდომის გადადებაზე ადვოკატების შუამდგომლობა არ დააკმაყოფილა.
ფატი ბაგრატიას შვილი – ბაია მარგიშვილი ზესტაფონის იზოლატორში პატიმრობაში იმყოფება. 29 ოქტომბერს მოსამართლე ზვიად ცეკვავამ ბაია მარგიშვილი „გზის ხელოვნურად გადაკეტვისთვის“ დამნაშავედ ცნო და 14 დღიანი პატიმრობა მიუსაჯა.
ბაიას მარგიშვილს ჯანმრთელობის მდგომარეობის გამო, ყოველდღიურად უწევს მედიკამენტების მიღება, რომელსაც დედა აწვდიდა. აქედან გამომდინარე, ადვოკატებმა მოითხოვეს ფატის მიმართ სიტყვიერი გაფრთხილებით შემოფარგლულიყვნენ, მოსამართლე ნინო ენუქიძემ შუამდგომლობა არ დააკმაყოფილა.
„ბაიას აქვს ჯანმრთელობასთან დაკავშირებული საკითხი და დედა ყოველ დღე აწვდის შესაბამის მედიკამენტებს. იმის გამო რომ რეჟიმს ის ზესტაფონში ჰყავს, ფატი ყოველ დილას მიდის დიდუბის სადგურში, შემდეგ ზესტაფონში და დღის ბოლოს უკან.“ – განაცხადა ფატის ადვოკატმა, მარიკა არევაძემ.
ადვოკატის აცხადებდა, რომ აუცილებელია ბაიას გადმოყვანა ზაჰესის იზოლატორში და ფატის პროცესის გადადება, მინიმუმ ბაიას გათავისუფლებამდე. მოსამართლე ნინო ენუქიძემ არც ერთი შუამდგომლობა დააკმაყოფილა.