საქართველოს 18-წლამდე ფეხბურთელთა ნაკრებმა სტუმრად ბელარუსთან მეორე ამხანაგური მატჩი გამართა და მორიგი გამარჯვება მოიპოვა. რამაზ სვანაძის თავკაცობით, ქართველმა ფეხბურთელებმა სადებიუტო მატჩი 2:1 მოიგეს, მეორე შეხვედრაში კი 3:2 დაამარცხეს მეტოქე.
მატჩის დაწყებიდან 15 წუთი იყო გასული, როდესაც ბელარუსებმა გახსნეს ანგარიში, თუმცა მალევე ქართველმა ფეხბურთელებმა გაქვითეს სხვაობა. თავური დარტყმით გიორგი გულიაშვილი გამოირჩა. დანარჩენი გოლები მეორე ნახევარში გავიდა. 52-ე წუთზე, საქართველოს ნაკრებმა ეფექტური კომბინაცია გაითამაშა, შეტევა კი ზურიკო დავითაშვილის ზუსტი დარტყმით დასრულდა. ბელარუსებმა გაათანაბრეს ანგარიში, თუმცა 75-ე წუთზე ქართველთა კიდევ ერთი კარგი კომბინაცია გიორგი გაგუას ზუსტი დარტყმით დაგვირგვინდა. საბოლოოდ, 3:2 U18 საქართველოს ნაკრების სასარგებლოდ
{{VIDEO}}