უკრაინის თავდაცვის მინისტრმა მიხაილ ფედოროვმა განაცხადა, რომ უახლოეს მომავალში ყირიმის ნახევარკუნძული, დრონების მეშვეობით მატერიკთან დაკავშირების მუდმივი შეფერხების ფონზე, ფაქტობრივად კუნძულად იქცევა. ამის შესახებ მინისტრმა YouTube-არხ PRESSING-თან ინტერვიუში (ნახვა) ისაუბრა.
„დრონების მეშვეობით ხდება ყირიმის იზოლაცია. უახლოეს მომავალში, როგორც ჩანს, ყირიმი კუნძული გახდება. ეს რუსებისთვის მოულოდნელი შედეგებით დასრულდება“, — განაცხადა ფედოროვმა.
მისი თქმით, 2026 წლის პირველ ოთხ თვეში უკრაინამ შეისყიდა Middle Strike კატეგორიის დრონები, რომელთა მეშვეობით აზოვის რეგიონში რეგულარულად ხორციელდება დარტყმები — 2025 წელთან შედარებით 300%-ით მეტი ინტენსივობით.
„ის, რაც მაშინ გავაკეთეთ, ახლა შედეგებს გვაჩვენებს. ჩვენ გამოვაცხადეთ ლოგისტიკური ბლოკადა და დამატებითი რესურსები მივმართეთ იმ ქვედანაყოფებზე, რომლებიც Middle Strike დრონებს იყენებენ. ასობით ათასი ამ ტიპის დრონის შესყიდვის პარალელურად, ვაძლევთ შესაბამის ქვედანაყოფებს შესაძლებლობას, რომ ისინი სწრაფად გამოიყენონ“, — განმარტა მინისტრმა.
ფედოროვის თქმით, ლოგისტიკაზე განხორციელებული დარტყმების ინტენსივობასა და უკრაინის წინააღმდეგ წარმოებულ საშტურმო ოპერაციებს შორის პირდაპირი კავშირი არსებობს: „ლოგისტიკა იჭრება, ყირიმი იზოლირდება, და ეს აისახება აღმოსავლეთის ფრონტზეც.“
