რუსული მედიის ინფორმაციით, ფესტივალი „სპასკაია ბაშნია“, რომელიც მოსკოვში, წითელ მოედანზე 21–დან 30 აგვისტომდე უნდა გამართულიყო, 2027 წლისთვის გადაიდო. ამის შესახებ ღონისძიების ორგანიზატორებმა სოციალურ ქსელ „ВКонтакте“-ში დაწერეს.
„იძულებული ვართ გაცნობოთ, რომ ორგანიზატორებისგან დამოუკიდებელი მიზეზების გამო XVIII საერთაშორისო სამხედრო-მუსიკალური ფესტივალი „სპასკაია ბაშნია“ 2026 წლიდან 2027 წლისთვის გადაიდო“, — წერენ ორგანიზატორები.
მათივე თქმით, მომავალი ღონისძიების ზუსტ თარიღებს მოგვიანებით გამოაცხადებენ.
„სპასკაია ბაშნია“ არის სამხედრო-მუსიკალური და თეატრალიზებული ფესტივალი, რომელშიც მონაწილეობენ რუსეთისა და სხვა ქვეყნების საუკეთესო სამხედრო ორკესტრები და შემოქმედებითი კოლექტივები, სახელმწიფო მეთაურების საპატიო ყარაულის დანაყოფები. პროგრამა ასევე მოიცავს პიროტექნიკურ და სინათლის ინსტალაციებსა და მასშტაბურ ფოიერვერკებს.
რა გახდა ღონისძიების გაუქმების მიზეზი და უკავშირდება თუ არა ეს უკრაინის დრონებით შეტევებს რუსეთის რეგიონებზე, მათ შორის მოსკოვის ოლქზე, ჯერჯერობით არ კონკრეტდება.