ევროკავშირი 2028-2034 წლების ბიუჯეტში უკრაინისთვის 100 მილიარდი ევროს გამოყოფას გეგმავს. Європейська правда-ს კორესპონდენტი ევროკავშირის დიპლომატზე დაყრდნობით წერს, რომ ეს საკითხი ეჭვქვეშ არ დგას.
წყაროს თქმით, ევროკავშირის წევრი სახელმწიფოები აღიარებენ, რომ უკრაინას მნიშვნელოვანი ფინანსური მხარდაჭერა სჭირდება.
„მოკლე პასუხი ასეთია: ეს დიდი განხილვის საგანი არ გამხდარა და ეს დადებითი ნიშანია. მიმდინარე საჭიროებებზე რეაგირების გათვალისწინებით, ლოგიკურია ვიყოთ დარწმუნებულები, რომ შემდეგი მრავალწლიანი ფინანსური ჩარჩო შეიცავს მნიშვნელოვან და ძალიან მნიშვნელოვან დაფინანსებას უკრაინისთვის“ – განაცხადა დიპლომატმა გამომცემლობასთან.
15-16 ოქტომბერს ბრიუსელში დაგეგმილ ევროკავშირს ლიდერების სამიტზე დისკუსიების დიდი ნაწილი ევროკავშირის 2028-2034 წლების ბიუჯეტს დაეთმობა, რომელზეც ევროკავშირის წევრი სახელმწიფოები წლის ბოლომდე შეთანხმების მიღწევას ცდილობენ.