უფლებადამცველი სამირა ბაირამოვა სოციალურ ქსელში წერს, რომ მას შემდეგ, რაც ქალზე ძალადობის ფაქტს შეესწრო და კადრები გაასაჯაროვა, დმანისიდან, მოძალადის სოფლის ერთ-ერთმა მაცხოვრებელმა შეტყობინება გაუგზავნა და სადაც მას მადლობას უხდის.
:„გამარჯობა, დაო. ღმერთმა დაგლოცოს და დაგეხმაროს. შენ რომ არ ყოფილიყავი, იმ ქალს, ალბათ, მოკლავდა. მე ვიცნობ მათ, ის ბიჭი მაშენიკია, ბანდიტურად იქცევა. ქალი უკვე 5 წელია დაჩაგრულია. მანქანაც მისი იყო, მოატყუეს და შანტაჟით წაართვეს. შენი ჭირიმე, კარგია, რომ ბიჭი დაიჭირეს მის წინააღმდეგ ჩივილს აქამდე ვერავინ ბედავდა. ახლა კი ქალს ეხვეწებიან, საჩივარი უკან გამოიტანოს”.
რამდენიმე დღის წინ სამირა ბაირამოვამ სოციალურ ქსელში კადრები გამოაქვეყნა და დაწერა, რომ ქალზე ძალადობის ფაქტს შეეესწრო. დმანისსში, პანტიონის ტყეში მამაკაცმა ქალი მიიყვანა სადაც ფიზიკურად გაუსწორდა.
დღეს, შინაგან საქმეთა სამინისტროს ქვემო ქართლის პოლიციის დეპარტამენტის დმანისის რაიონული სამმართველოს თანამშრომლებმა, ძალადობის ბრალდებით ერთი პირი დააკავეს.შსს-ს ინფორმაციით, გამოძიებით დადგინდა, რომ ბრალდებულმა, მიმდინარე წლის 20 სექტემბერს, დმანისის მუნიციპალიტეტში, პანტიანის ტბის მიმდებარე ტერიტორიაზე ფიზიკური შეურაცხყოფა მიაყენა მეგობარ ქალბატონს და შემთხვევის ადგილიდან მიიმალა.სამართალდამცველებმა ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, დამნაშავე მამაკაცის ვინაობა მალევე დაადგინეს და ბრალდებულის სახით დააკავეს.
გამოძიება სისხლის სამართლის კოდექსის 126-ე მუხლით მიმდინარეობს.