ამერიკული სამხედრო თვითმფრინავი სამშაბათს გერმანიაში, შპანგდალემის აშშ-ის ავიაბაზის მახლობლად ჩამოვარდა.შპანგდალემის ავიაბაზა გერმანიის დასავლეთით, ლუქსემბურგის საზღვართან ახლოს, ფედერალურ მიწა რაინლანდ-პფალცში მდებარეობს. ადგილობრივმა ხელისუფლებამ განაცხადა, რომ შემთხვევის ადგილზე მაშველები მუშაობენ, თუმცა ამ ეტაპზე დამატებით დეტალებზე მხოლოდ შეზღუდული კომენტარის გაკეთება შეუძლიათ.
ეიფელის რეგიონის ადგილობრივმა ხელისუფლებამ თავდაპირველად განაცხადა, რომ ერთი ადამიანი დაშავდა. არსებული ინფორმაციით, ჩამოვარდნილი თვითმფრინავი აშშ-ის სამხედრო-საჰაერო ძალებს ეკუთვნოდა.
„აშშ-ის შპანგდალემის ავიაბაზის მიმდებარე ტერიტორიაზე თვითმფრინავის ჩამოვარდნის შემდეგ შემთხვევის ადგილზე გაიგზავნა ბიტბურგ-პრიუმის ეიფელის რაიონის სახანძრო და საგანგებო რეაგირების ჯგუფები“, — ნათქვამია რაიონის ოფიციალურ ვებგვერდზე გამოქვეყნებულ განცხადებაში.
„ამ დროისთვის ეიფელის რაიონის მხრიდან მომხდარის დამატებით დეტალებზე კომენტარის გაკეთება შეუძლებელია.“
შპანგდალემი აშშ-ის სამხედრო ბაზაა, რომელიც რაინლანდ-პფალცში, ტრირის ჩრდილოეთით, ლუქსემბურგის საზღვართან ახლოს მდებარეობს. ნატოს ეს ობიექტი 1950-იანი წლების დასაწყისში აშენდა. იქ აშშ-ის სამხედრო-საჰაერო ძალების 52-ე გამანადგურებელი თვითმფრინავია დისლოცირებული.