“ვიდეომასალაში ნათლად და ცალსახად ჩანს, რომ არამცთუ ღირსების შემლახავ ფაქტებს, არამედ ძალის გადამეტებასაც კი არ ჰქონია ადგილი” -აცხადებს სპეციალური პენიტეცნიური სამსახურის გენერალური დირექტორი, გიორგი პატარიძე და მადლობას უხდის იმ პენიტენციური დაწესებულების თანამშრომლებს, რომლის პატიმარიც ბადრაგს გაუპატიურებაში ადანაშაულებს.
“საზოგადოების მაღალი ინტერესიდან გამომდინარე, დღეს პენიტენციურმა სამსახურმა მიიღო გადაწყვეტილება კადრების გავრცელებასთან დაკავშირებით. გავრცელებულ ვიდეომასალაში ნათლად და ცალსახად ჩანს, რომ არამცთუ ღირსების შემლახავ ფაქტებს, არამედ ძალის გადამეტებასაც კი არ ჰქონია ადგილი, რისთვისაც ძალიან დიდი მადლობა მინდა, გადავუხადო №6 პენიტენციური დაწესებულების უკლებლივ ყველა თანამშრომელს, ისინი გამოირჩევიან მაღალი პროფესიონალიზმით. აქვე გავიმეორებ და კიდევ ერთხელ მოვუწოდებ დაინტერესებულ მხარეებს, რომ კანონმდებლობის სრული დაცვით გამოითხოვონ შესაბამისი ვიდეომასალა, რომელიც ითვალისწინებს მსჯავრდებულ დავითაძის სრულ გადაადგილებას №6 პენიტენციური დაწესებულების ტერიტორიაზე 2026 წლის 3 მარტიდან დღეის მდგომარეობით. ბოლოს კიდევ ერთხელ მოვუწოდებ საზოგადეობას, თავი შეიკავონ ცრუ და მიზანმიმართული დეზინფორმაციის გავრცელებისა და საზოგადოების შეცდომაში შეყვანისგან” – განაცადა პატარიძემ.