კლუბ ბასიანის დამფუძნებელი გამთენიისას გაათავისუფლეს

კლუბ ბასიანის დამფუძნებელი, ზვიად გელბახიანი დიდუბის პოლიციის განყოფილებიდან დაახლოებით დილის ოთხ საათზე გამოუშვეს. ის საათნახევარი ჰყავდათ დაკავებული. გელბახიანი ბასიანის წინ პოლიციისთვის წინააღმდეგობის გაწევის ბრალდებით დააკავეს. ის დაინტერესდა, რატომ ატარებდა პოლიცია ბასიანის სტუმრების ჩხრეკას და რეიდებს კლუბის წინ. ამ კითხვის დასმის გამო ის პოლიციამ წინააღმდეგობის გაწევის მუხლით დააკავა და პოლიციის განყოფილებაში გადაიყვანა. ზვიად გელბახიანის ადვოკატი, ვალერი გელბახიანი ამბობს, რომ მას პოლიციისთვის არანაირი წინააღმდეგობა არ გაუწევია. ზვიად გელბახიანი ხელწერილით გაათავისუფლეს, მის წინააღმდეგ საქმის წარმოება  დაწყებულია.